kodithuwakku

Sunday, September 6, 2015

Friday, August 21, 2015

වර්තමාන දියුණු තාක්ෂණික ලෝකය තුළ, අන්තර්ජාලය යන වදන අපට බොහෝ හුරුපුරුදු වූවාට සැබැවින්ම අන්තර්ජාලය භාවිත කරන්නා වූ ජන සංඛ්‍යාව එතරම් සුවිශාල නොවේ.දළ වශයෙන් ගත්විට වත්මන් ලෝක ජනගහනයෙන් අන්තර්ජාල සබඳතා ඇත්තේ තුනෙන් එකක පිරිසකට පමණි. වෙනත් ආකාරයකට කිවහොත් ලෝක ජනතාවගෙන් සියයට හැත්තෑවකට ආසන්න පිරිසකට අන්තර්ජාලය සමග සම්බන්ධ වීමට හැකියාවක් ඇත්තේ නැත. මෙතරම් සුවිශාල පිරිසකට අන්තර්ජාලය සමග සම්බන්ධ වීමට නොහැකි වී තිබෙන්නේ ඒ සඳහා ඔවුන් තුළ ඇති අකමැත්තක් හෝ නොදැනුවත්කමක් හෝ නිසා නොව, අන්තර්ජාල සබඳතාවන් ලබාගැනීමට අවශ්‍ය තාක්ෂණික පහසුකම් මේ ජනතාව ජීවත්වන ප්‍රදේශවල නොමැති වීම හේතුවෙනි.

එක් අතකට ලෝකයේ දියුණුම රටක් ගත්තද සෑම පළාතකටම එක සමානව අන්තර්ජාල සබඳතා ව්‍යාප්ත වී ඇතැයි පැවැසිය නොහැක. මක්නිසාද යත් අන්තර්ජාල සබඳතාවක් ලබාදීමේදී වුව, භූ විෂමතා ආදිය ප්‍රබල වශයෙන් බලපෑම් සිදුකරන බැවිනි. මේ හේතුව නිසා ලෝකය පුරාවටම අන්තර්ජාල සේවා ව්‍යාප්ත කිරීම අතිශය දුෂ්කර කර්තව්‍යයක් වී තිබේ. තවත් ආකාරයකින් ගත් විට රටක් පුරා අන්තර්ජාල සේවා සැපයීමද විශාල වියදමක් යන වැඩකි. බොහෝ රටවල්වල ආණ්ඩුවලට මෙවැනි වැඩ සඳහා වියදම් කිරීමට මුදල් ඇත්තේ නැත. එසේම තවත් රටවල්වල ආණ්ඩු කරවන ඇත්තෝ තම ජනතාවට අන්තර්ජාල සේවා ලබාදීමට ඇති අකමැත්ත නිසා ඊට තහංචි පනවාගෙන සිටිති.මේ ආකාරයේ නොයෙක් කරුණු කාරණා නිසා, ලෝකය පුරා එක සමානව අන්තර්ජාලය පැතිරවීම අපහසු වැඩක් බවට පත්ව තිබේ. නමුත් අන්තර්ජාලය යනු, වචනයේ පරිසමාප්ත අර්ථයෙන්ම “ලෝක ව්‍යාප්ත ජාලයක්” විය යුතු බව අදහන ජාත්‍යන්තර සංවිධාන සහ සමාගම් පෙර සඳහන් කළ අන්තර්ජාලය ව්‍යාප්ත වීමට ඇතිව තිබෙන බාධාවන් මැඩපැවැත්වීමට කටයුතු කරමින් සිටී.අන්තර්ජාලය ආශ්‍රිතව ක්‍රියාත්මක වෙන අන්තර්ජාතික ආයතනයක් වන “Google” ආයතනය, ලෝකයේ සෑම තැනකටම සමානව අන්තර්ජාල සේවා ලබාදීමේ යහපත් අරමුණෙන් ක්‍රියාත්මක කරනු ලැබූ ව්‍යාපෘතිය හැඳින්වෙන්නේ “Google Loon” යනුවෙනි.අන්තර්ජාල සබඳතා ලබාදීමේදී මතෛක් අනුගමනය කළ සාම්ප්‍රදායික ක්‍රමවේදයන්ගෙන් පරිබාහිරව අඩු වියදමකින් වැඩි ප්‍රදේශයක් ආවරණය වෙන පරිදි වඩා වැඩි වේගයකින් යුතු අන්තර්ජාල සබඳතා ලබාදීම “Google Loon” ව්‍යාපෘතියේ මූලික අරමුණයි.“Google Loon” ව්‍යාපෘතියේදී ක්‍රියාවට නංවනු ලබන්නේ අලුත්ම තාක්ෂණික ක්‍රමවේදයකි. එනම් මෙහිදී අන්තර්ජාල සබඳතා ලබා දෙන්නේ ඉහළ අහසේ පිහිටුවනු ලබන “බැලුන් ජාලයක්” හරහාය. අන්තර්ජාල සබඳතා ලබා දිය යුතු ප්‍රදේශයට ඉහළ අහසේ ‍පොළෝ මට්ටමේ සිට කිලෝමීටර් 18-27 අතර උසකින් විශේෂිත සම්ප්‍රේෂණ උපාංග සහිත බැලුන් සමූහයක් රඳවනු ලැබේ. ඉහළ අවකාශයේ පවත්නා නොයෙක් කාලගුණික විපර්යාසයන්ට ඔරොත්තු දෙන පරිදි සකසා ඇති මේ බැලුනවල පිහිටීම ඊට සම්බන්ධ පරිගණක උපාංගවල පිහිටුවා ඇති මෘදුකාංග මගින් පාලනය කෙරේ. එමෙන්ම මෙම බැලුන් පිහිටුවනු ලබන්නේ සාමාන්‍ය ගුවන් ගමන් සිදු කෙරෙන මට්ටමට වඩා දෙගුණයක් පමණ වූ උසකින් නිසා ගුවන් සේවාවන්වලට බාධාවක් සිදුවන්නේද නැත.මෙසේ ඉහළ අහසේ පිහිටුවන “Google Loon” බැලුන් නිර්මාණය කර තිබෙන්නේ polythyleneවලිනි. සම්පූර්ණයෙන් දිගහැරුණු විට පළලින් මීටර් 15ක් සහ උසින් මීටර් 12ක් පමණ වන මේ තුළ හිරු කිරණ භාවිතයෙන් බලශක්තිය නිපදවාගන්නා ලිතියම් අයන් බැටරියකින් යුතු බලශක්ති ඒකකයක් සහ සම්ප්‍රේෂණ උපාංග කට්ටලයක් අන්තර්ගත වේ. මෙමසම්ප්‍රේෂණ උපාංග මගින් “Google Loon” බැලුන්වලට එකිනෙකා සමග තම පිහිටීම පිළිබඳව තොරතුරු හුවමාරු කරගැනීමටත් ‍පොළව වෙත අන්තර්ජාල සබඳතා ලබාදීමටත් හැකියාව ඇත. මේ සියලු උපාංග සම්බන්ධ කළ විට එක් බැලුනයකින් කිලෝග්‍රෑම් 10ක පමණ බරක් දරාගෙන සිටිනු ඇත.ඉහළ අවකාශයේ නිසි පරිදි රඳවනු ලැබූ “Google Loon” බැලුනයන් මගින් කිලෝමීටර් 40ක විෂ්කම්භයක් ඇති භූමි ප්‍රමාණයකට කිසිදු අවහිරයකින් තොරව LTE (Long Term Evolution) සංඥා මගින් අන්තර්ජාල සබඳතා ලබාදීමට හැකියාව ලැබෙතැයි ගණනය කර තිබේ. Loon ව්‍යාපෘතියේදී සම්ප්‍රේෂණය සඳහා භාවිතයට ගනු ලබන්නේ 2.4 GHz-5.8 GHz අතර පරාසයේ සංඛ්‍යාතයන් නිසා ඒ වෙනුවෙන් විශේෂිත බලපත්‍ර ලබා ගැනීමක් අවශ්‍ය වන්නේද නැත.ඉහළ අහසේ පිහිටුවනු ලබන Loon බැලුන ජාලය අන්තර්ජාල සේවා සැපයීමේදී ක්‍රියාත්මක වන්නේ අන්තර්ජාල සබඳතා ලබාගන්නා ජනතාව සහ අන්තර්ජාල සේවා සපයනු ලබන දුරකථන සේවා සමාගම් අතර අතරමැදියකු වශයෙනි. අන්තර්ජාල සේවා සපයන දුරකථන සමාගම්වලින් “Google Loon” බැලූන වෙත ලබාගන්නා සංඥා, ඉන්පසුව බැලුනයේ සිට අන්තර්ජාල සබඳතා ඇති ජනතාව වෙත ලබාදෙනු ලැබේ. බැලූ බැල්මට අවබෝධ වන ආකාරයටම මෙහිදී සිදුවන්නේ “Google Loon” බැලුන හරහා සංඥා හුවමාරුවීමක් පමණක් වුවද ඉන් අත්වන වාසි බොහෝමයකි. මේ අනේ‍යාන්‍ය සම්බන්ධතාව නිසා දුරකථන සමාගම්වලට තම ආවරණ කලාපයන් විශාල කිරීමට අමුතුවෙන් සම්ප්‍රේෂණ කුලුනු ඉදිකරමින් කාලය සහ ධනය වැය කිරීමට සිදුවන්නේද නැත. එමෙන්ම දුරකථන ජාලවල දත්ත සඳහා වෙන් වන සංඛ්‍යාත තරමක් දුරට ඉතිරිවන බැවින් අනවශ්‍ය පරිදි දුරකථන ජාල කාර්ය බහුලවීමද වැළකෙයි. අන්තර්ජාල සබඳතා ලබාගන්නා සාමාන්‍ය ජනතාවගේ පැත්තෙන් බැලූවිට අඩු මිලකට වේගවත් අන්තර්ජාල ප්‍රවේශයක් හිමිවීම වාසියකි. සියල්ලටම වඩා වැදගත් ප්‍රධානතම වාසිය වන්නේ සමස්ත රටක් වුවද ආවරණය වන පරිදි අන්තර්ජාල සේවා ලබාදීමට හැකි වීමයි.මේ වන විට ශ්‍රී ලංකාවටද පැමිණ ඇති “Google Loon” ව්‍යාපෘතිය නිල වශයෙන් ආරම්භ කෙරුණේ 2013 ජුනි 14 වැනිදා නවසීලන්තයේදීය. “Loon” ව්‍යාපෘතිය ක්‍රියාත්මක වන්නේ Googleසමාගමට අයත් Google (x) ඒකකය මගිනි. සාමාන්‍යයෙන් Google සමාගම විසින් සිදුකරන නව නිපැයුම් තාක්ෂණිකපර්යේෂණ ආදිය සිදුකෙරෙන්නේ මේ Google (x) ඒකකය හරහාය.එකවර Loon බැලුන 30ක් යොදාගෙන නවසීලන්තයේදී සිදුකළ මූලික පරීක්ෂණය සාර්ථක වූ අතර නවසීලන්තයේ Leeston නගරයේ ගොවියෙකු වූ charles Nimmo, මේ හරහා අන්තර්ජාල සබඳතාව ලබා ගනිමින් Google Loon හරහා අන්තර්ජාල ප්‍රවේශය ලබාගත් පළමු පුරවැසියා බවට පත්විය. තවදුරටත් පර්යේෂණ සිදුකළLoonව්‍යාපෘති කණ්ඩායම, ඉතිහාසයේ කිසිම දිනක අන්තර්ජාල සබඳතාවක් නොතිබුණු බ්‍රසීලයේ ග්‍රාමීය පාසලකට අන්තර්ජාල පහසුකම් ලබා දීමට සමත්විය.ලෝකවාසී සැමට අන්තර්ජාල පහසුකම් ලබාදීමට කටයුතු සකස් කරමින් සිටින සියලුම පාර්ශ්වයන්ගේ අනුමැතිය සහ ප්‍රසාදය Google Loon ව්‍යාපෘතියට ලැබි තිබුණද විවිධාකාර මතවාදයන් අදහන ඇතැම් පිරිස් Google Loon දෙසද ‘වපර ඇහෙන්’ බලන බැව් රහසක් නොවේ.Loonව්‍යාපෘතිය යටතේ ඉහළ අහසේ රඳවනු ලබන බැලුන හදිසියේ ‍පොළවට කඩා වැටීමෙන් හෝ ගුවන් යානා සමග ගැටීමෙන් අනතුරු සිදුවීමට ඉඩ ඇති බව බොහෝ දෙනාගේ අදහසයි.පරීක්ෂණ අවස්ථාවේදී බැලුන කිහිපයක් කඩා වැටීමද මෙවැනි මතවාදයන් පැතිරීමට හේතු සාධක වී තිබේ. 2014 ජුනි මාසයේදී ඇමෙරිකාවේ වොෂින්ටන් නගරාශ්‍රිත විදුලි රැහැන් පද්ධතියකට බැලුනයක් කඩා වැටීමෙන් අනතුරක් සිදුව තිබේ. ඒ වර්ෂයේම නොවැම්බර් මාසයේදී දකුණු අප්‍රිකාවේ කාන්තාර ප්‍රදේශයකට කඩා වැටී තිබුණු බැලූනයක කොටස් හමුවී තිබුණි. ආසන්නතම සිදුවීම වශයෙන් වාර්තා වන්නේ 2015 අප්‍රේල් මාසයේ මිසුරි නගරයට බැලූනයක් කඩා වැටීමයි. මේ එකදු සිදුවීමකින්වත් විශාල හානියක් සිදුවී නැති අතර ඇතැම් පුද්ගලයන් තුළ Loon ව්‍යාපෘතිය පිළිබඳව සැක පහළ වීමට නම් එය හේතු වී තිබේ. කෙසේ වුවද ස්වාධීන තාක්ෂණික විශේෂඥයන් පවසන්නේ විශාල ව්‍යාපෘතියක පර්යේෂණ කටයුතු සිදු කිරීමේදී මෙවන් අනතුරු සිදුවීමට ඉඩකඩ ඇති බවයි.එමෙන්ම ඇතැමුන් පවසන ආකාරයට Loon ව්‍යාපෘතිය හරහා කිසියම් රටක ජනතාව භාවිත කරන අන්තර්ජාල තොරතුරුgoogle ආයතනය විසින් ලබාගනිතැයි පැවැසීම තර්කානුකූල නොවේ. මක්නිසාද යත් Loon ව්‍යාපෘතිය යම් රටක ක්‍රියාත්මක වන්නේ එම රටේ වගකිවයුතු ආයතන සහ google ආයතනය අතර ඇතිවන එකඟතාවක් මත අදාළ රටේ තාක්ෂණික ආයතනවල නියාමනය මත බැවිනි.කෙසේ වුවද මේ වන විට “Google Loon” ව්‍යාපෘතිය ශ්‍රී ලංකාවේ ක්‍රියාත්මක කිරීම සඳහා ගිවිසුම් අත්සන් කර තිබේ. විදේශගත ශ්‍රී ලාංකිකයෙකු වන චමත් පලිහපිටිය මහතාගේ මෙහෙයවීමෙන් මුළු ලංකාවම ආවරණය වන පරිදි Loon ව්‍යාපෘතිය ක්‍රියාත්මක කිරීමට google ආයතනය එකඟවී ඇති අතර, ඒ සඳහා අදාළ ගිවිසුම් පසුගිය ජූලි 28 වැනිදා මෙරට තොරතුරු සන්නිවේදන තාක්ෂණායතනය සහ google (x) ආයතනයේ උප සභාපති මෙන්ම Loon ව්‍යාපෘතියේ ප්‍රධානී Mike Cassidy විසින් අත්සන් තබනු ලැබිය.මේ අනුව 2016 මාර්තු මාසය වන විට සමස්ත ශ්‍රී ලංකාවම ආවරණය වන පරිදිLoon ව්‍යාපෘතිය ක්‍රියාත්මක වනු ඇත. ඒ සමගම සමස්ත රටම ආවරණය වන පරිදි “Google Loon” ව්‍යාපෘතිය හරහා අන්තර්ජාල සේවා ලබාගන්නා ලෝකයේ පළමු රට බවටද ශ්‍රී ලංකාව පත්වෙනු ඇත.සමස්ත ලෝක ජනතාවටම අන්තර්ජාල සබඳතා ලබාදීමේ අරමුණෙන් වැඩ කටයුතු කරන්නේ google ආයතනය පමණක් නොවේ. ලෝ ප්‍රකට ෆේස්බුක් සමාගමද ඇමෙරිකාවේ Outernet සමාගමද මෙසේ ලෝකය පුරාම අන්තර්ජාලය පැතිරවීමේ අරමුණෙන් වැඩ කරගෙන යන ප්‍රධාන සමාගම් දෙකකි.ඒ අතරින් Facebook සමාගම ක්‍රියාත්මක කිරීමට අදහස් කරගෙන සිටින වැඩසටහන යම් ආකාරයකින් “Google Loon” වැඩසටහනට සමාන යැයි කිව හැකි ෆේස්බුක් සමාගම ලෝකයේ දුෂ්කර ප්‍රදේශවලට අන්තර්ජාල සබඳතා ලබා දීමට අදහස් කරන්නේ සූර්ය ශක්තියෙන් ක්‍රියාත්මක වන ඉහළ අහසේ රඳවා පවතින නියමුවන් රහිත ගුවන් යානා හරහාය. අභ්‍යවකාශය හරහා එන හිරු එළිය ‍පොළවට පතිතවන ආකාරයටම “දත්ත ධාරා” වශයෙන් ඉහළ අහසේ සිට අන්තර්ජාල සබඳතා ‍පොළොවට ලබාදීමට මෙමගින් හැකිවනු ඇත. ෆේස්බුක් සමාගමේ ප්‍රධානී මාක් සූකර්බර්ග්ගේ අදහසක් අනුව ක්‍රියාත්මක මෙම වැඩසටහන සඳහා අවශ්‍ය ගුවන් යානාවක්ද නිපදවා ඇති බව පසුගියදා ෆේස්බුක් සමාගම අනාවරණය කරන ලදී.Outernet සමාගම විසින් අන්තර්ජාල පහසුකම් ලබා දෙන්නේ චන්ද්‍රිකා තාක්ෂණය උපයෝගී කරගෙන ක්‍රියාත්මක වැඩසටහනකිනි. අන්තර්ජාලයේ ඇති දත්ත අභ්‍යවකාශයේ රඳවා ඇති චන්ද්‍රිකාවල සර්වර් පරිගණක තුළ තැන්පත් කර චන්ද්‍රිකා සම්බන්ධතා හරහා සෘජුවම ඊට පිළිතුරු ග්‍රහකයන් වෙත ලබාදීම එහිදී සිදුවේ.ලෝකය පුරා පිහිටි විවිධ මතවාද දරන ආයතනයන් වුවද එකට එක්වී එක් යහපත් අරමුණක් වෙනුවෙන් කටයුතු කරමින් සිටීම නුදුරු අනාගතයේදීම අන්තර්ජාලය සමස්ත ලෝකය පුරා පැතිරුණු “සැබෑ ජාලයක්” බවට පත්වීමේ සුබ පෙර නිමිත්තකි.

Friday, July 31, 2015

‘අවබෝධයෙන් නිවන් මග යන්න

‘අවබෝධයෙන් නිවන් මග යන්න‘

(ඇසළ පෝදා ධර්ම දේශනය)

පුරා වසරක කාලයක් ලංකාදීප අන්තර්ජාලය මගින් ධර්ම දානය බෙදාදීමට හැකියාව ලැබීම බෞද්ධයෙකු වශයෙන් මා ලැබූ බුද්ධාලම්මන ප‍්‍රීතියක් බව ස`දහන් කරමි. පැවිදිව සිටියදීත් ගිහියෙකු වී සිටින විටත් මා ලැබූ අත්දැකීම් තුලින් මං මුලාවූ අසරණ බෞද්ධයින්ටත් මාගේ දැනුමේ මට්ටමින් බෞද්ධකමේ තත්වය ලොවටම පැහැදිලි කර දීමට මා හට සැදැහැසිතින් අවස්ථාව සලසා දුන් ලංකාදීප කතෘ මහත්මයාටත් කාර්ය මණ්ඩලයටත් මා ධෛර්මත් කළ මා මිත‍්‍ර උපතිස්ස මහතාටත් ධර්ම දානයෙන් ලැබූ පුන්‍යානුමෝදනාව ප‍්‍රථමයෙන් පිරිනමමි.

පින්වතුනි මෙතෙක් මා ලියූ ධර්ම කරුණුවල අන්තර්ගතය වූයේ බෞද්ධකමේ පරමාර්ථය වන නිවන්සැප ලැබීම සොයන වැරදි ක‍්‍රියා මාර්ග කියා දීමටය. අප බුදුරජාණන් වහන්සේ නිවන් මගයාමේ නිවැරදි ක‍්‍රියා මාර්ග කියා දී තිබියදී සමහර දේශකයානන් වහන්සේලා තමන්ගේ පැවැත්ම උදෙසා කාලෝචිත යැයි කියන ධර්ම දේශනා, ක‍්‍රියා මාර්ග හදුන්වා දීමෙන්, අනුගමනය කිරීමෙන්, වර්තමාන බෞද්ධ ගිහි පැවිදි දෙපක්ෂයම සංසාර ගමනේ අතර මං වන බව කිව යුතුය. බුදු දහමේ පිලිවෙත වනුයේ අස්කිරීම මිස රැුස්කිරීම නොවේය. අප බුදුරජාණන් වහන්සේ දේශණාකල දහම අනුව රැුස්කිරීමෙන් සිදුවන විපාකත් අස්කිරීමෙන් ලබන සැනසීමත් සත්‍ය බුදු පිලිවෙත් අනුව කියා දුනහොත් මිථ්‍යා දුෂ්ඨිකයෙකු නොව සත්‍ය දකින අවබෝධ කරගැනීමට හැකි බෞද්ධයා වර්තමාන සුඛෝපබෝගී පහසුකම් ඇති පන්සල් අතහැරීම වැලැක්විය නොහැක. මේ හේතුව නිසා පන්සලේ ප‍්‍රසිද්ධියෙන් තමන් වහන්සේගේ උගත්කම ප‍්‍රසිද්ධිය ආදායම ර`දවා ගැනීමේ පරමාර්ථයෙන් බෞද්ධයාව පිනට හුරුකරනවා මිස කුසලය හදුන්වා දෙන්නේ නැත. සමහර පන්සල්වල බුද්ධං සරණං ගච්චාමි කියා ගිහියාව සමාදන් කලාට දෙවියන්ට පූජා වට්ටිය තබා කන්නලව් කරන්නේ පන්සලේ ලොකු හාමුදුරුවන්ය. බුදු සරණේ වටිනාකම ගිහියා දැන ගන්නේ නැත. පිංකම් මිස කුසලක් ක‍්‍රියා නැත. බොහෝ බෞද්ධයින් පිංකම් කරන්නේ ප‍්‍රසිද්ධියටය. (ගිහි පැවිදි දෙපක්ෂයම) ප‍්‍රසිද්ධ වීම තුළ ඇත්තේ ආශාවය, ඇල්මකින් බැදීමකින් තොරව කරන පින කුසලයක්ය. පින සහ කුසලය උද`ඵ තලය සහ මිට වගේය. උද`ඵ තලය තිබුනාට මිට නැතිව උදැල්ලක් වන්නේ නැතිබව සේම පිනක් නැතිව කුසලයක් අත්වන්නේ නැත. පින කල යුත්තේ අවබෝධයෙන්ය. කල යුතුම දෙය පමනක් අවබෝධකරගෙන කිරීමට බෞද්ධයා පෙළඹුනොත් පන්සලේ හාමුදුරුවන්ට අවශ්‍ය දේ කර ගැනීමට නොහැකි වන නිසා උගත් ස්වාමීන් වහන්සේලා කාලෝචිත අදට සුදුසු ක‍්‍රමය හදුන්වාදෙන බව කීවේ එනිසාය. (සැමම, සැමතැනම, නොවේ* මෙයට හොදම උදාහරණයක් ලෙස මා පවසන්නේ ලංකාවේ තිබෙන පන්සල් භාවනා මධ්‍යස්ථාන වල ප‍්‍රමාණයට ශ‍්‍රද්ධානුසාරී, ධම්මානුසාරී, සෝවාන්, සකෘදාගාමී, අනාගමී රහතුන් වහන්සේලා කොපමණ සිටිය යුතුද, මේ වෙනුවට මිනීමරුවෝ, ස්ත‍්‍රී දූෂකයෝ, මංකොල්ලකාරයෝ, ළමා අපචාරකයින්, මහජන දේපල සොරාකන දේශපා`ඵවෝ, නිදන්හොරු බිහි වන්නේ ඇයි ? හොද නරක කියාදෙන ආදර්ශමත්, වචනයට පමණක් ගෞරවණීය නොවන ස්ථාන හා පුද්ගලයින් නොමැති කම නිසාය. අද සැම ආගමකම සමහරක් පූජනීය ස්ථාන විශාල මහා පරිමාන ආදායම් ලබන මධ්‍යස්ථාන බවට පත්වී ඇත. ඕනෑම ආගමක දහම වනුයේ මිනිසා සුවපත් මාර්ගයට ගැනීම මිසක් විනාශකාරී මාර්ගයට පෙළඹීම නොවේය. හො`ද නරක, යහපත අයහපත, පව පින, කුසල අකුසලය කියාදීම බුදු දහමේ ප‍්‍රතිපත්තියයි. අද අපට බුදු කෙනෙකු නැත පිහිටට ඇත්තේ ධර්මය පමණයි. මෙය කියාදීමට ස`ග සරණක් අපට තියෙනවාද (නැතිවාම නොවේ) අද සමහරක් උගත් ප‍්‍රසිද්ධ ස්වාමීන් වහන්සේලා පැවිදිවී ඇත්තේ පාර්ලිමේන්තුවට යාමට, දේපල තමන් සතු කර ගැනීමට ව්‍යාපාර කටයුතු වැනි පෘතග්ජන පුද්ගලයින් කරන දේ කිරිමටය. මේ හේතුව නිසා බුදු දහම නැතිවී නැත. බුදුදහම අනුගමනය කරන පුද්ගලයා විකෘති වී මං මුලාවී ඇත. මා මුලින් සදහන් කල පරිදි අස්කරන ස්ථාන වලට ප‍්‍රසිද්ධියත් ගෞරවයත් නොමැතිකම නිසාත් රැුස්කරන ස්ථානවලට ගෞරවයත්, ප‍්‍රසිද්ධියත් ලැබෙන නිසාත් වර්තමාන මිථ්‍යා දෘෂ්ටික බෞද්ධකම නිසා කීර්තියට ප‍්‍රසංසාවට ප‍්‍රසිද්ධියට කැමති පෘතග්ජන බෞද්ධයා සංසාරේ අතරමං වන බව කණගාටුවෙන් ප‍්‍රකාශකරමි.

උප්පැන්න සහතිකයට පමණක් අප බෞද්ධවී ඇති ඵලය කුමක්ද ? එසේනම් අප කුමක් කල යුතුද ? ප‍්‍රථමයෙන් අපි අපගේ තුන්ලොවට අග‍්‍රවු ශ්‍රේෂ්ඨවූ සිය`ඵ සත්වයන්ට කරුණාව දැක්වූ අප බුදුරජාණන් වහන්සේව දැන ගනිමු. මේ ලොව බුදුවරුන් දහස්ගානක් ඉපදී ඇත. ඒ අතරින් දීපංකර බුදු රජානන් වහන්සේගේ කාලයේ බෝධිසත්ව පාරමීදම් පුරමින් සිටි සුමේධ නම් තාපසයාණන් හට රහත්වී පිරිණිවන් පෑමට අවස්ථාව ලැබූ අවස්ථාවේදී උන්වහන්සේ කල්පනා කලේ මම රහත්වී පිරිනිවන් පා සසර ගමන නවතා ගත්තත් භවයක ඉපදී විදින දුක නොතේරෙන සිය`ඵම සත්වයින් හට එයින් මිදීමට අවස්ථාවක් නොලැබෙන නිසා මම බුදුකෙනෙකුවී සියලූ සතුනට මේ දුකෙන් මිදීමට පිහිටවිය යුතුයි සිතා, දීපංකර බුදුහිමි පාමුලේදී රහත්වීමට තිබූ අවස්ථාව පසුවට කල්තැබීය. එතැන් සිට සාරාසංකල්ප ලක්ෂයක් පමණ මේ ඉපදීමට හේතුව ඉපදී ඇතිවන දුකත්, දුක නැතිකර ගැනීමෙන් ලැබිය හැකි දේත්, දුක නැතිකර ගැනීමේ මාර්ගයත් බෝධිසත්ව අදහස් ඇතිව කිසිම අයෙකුගෙන් උපදෙස් නොලබා තමන් විසින්ම විද දැන, ඉපදුනු ඕනෑම සත්වයෙකු වයසට යෑම, ලෙඩවීම, මරණයට පත්වීම නොවැලැක්විය හැකි, දුකට හේතුවන කරුණු බව දැන මෙයින් මිදීමට අවශ්‍ය කරුණු තමන් වහන්සේ විසින්ම සොයා ගත් නිසා ‘‘බුද්ධ’’ නම් විය. (මෙහි තේරුම සියලූම ප‍්‍රශ්න වලට පිළිතුරු ගැටලූ රහිතව සියල්ල දැනගත් යන්නය.* මේ සියලූ කරුණු කාරනා තමන් වහන්සේ විසින් දැන ඉගෙන ගෙන හේතු සහිතව අවබෝධකරගත් නිසා සම්මා සම්බුද්ධ නම්වූ සේක. සියලූ සතුන් කෙරෙහි අනුකම්පාව, කරුණාව, දයාව, මෛත‍්‍රිය ඇති ව බුදුවූ ඒ අප ශ‍්‍රී ගෞතම නම් වූ සම්මා සම්බුදු බුදුරජාණන් වහන්සේය.

මෙයින් පසුව අපි දැනගමු මොකක්ද, ශ‍්‍රී ශ‍්‍රද්ධර්මය එය කාටද ? ප‍්‍රථිඵලය මොකක්ද කියල, උසස් මනසක් ඇතිව ලබන ආත්මය නිවැරදිව ගත කිරීමට නම් අප හරිදේ කුමක්ද ? වැරදිදේ කුමක්ද ? හරිදෙයින් සිදුවන දෙයත් වැරදි දේ කිරීමෙන් සිදුවන දෙයත් දැනගත යුතුය. එසේ නැතිව කොපමණ භෞතික සැප සම්පත් අපට තිබුණත් ඒවා නිසිලෙස පරිහරණය කිරීමට දන්නේ නැතිනම් සිදුවන්නේ විනාශයක්ය. භෞතික සැප සම්පත් නිසිලෙස පරිහරණය කිරීමට නොදන්නා පෘතග්ජනයාට ඇතිවීමක් නැත. මෙවැනි පුද්ගයන් තුල ඇතිවන්නේ මිනිස් ජීවිතය විනාශ කරවන ආශාව වෛරය මුලාවයි. හරිවැරදි නොදන්නා මිනිසුන් සංසාරයේ විදින දුක දැන ඔවුනට නිවැරදි දේත් නිවැරදිවන ආකාරයත්, නිවැරදි වීමෙන් ලබන ප‍්‍රථිඵලයත්, වැරදි සිදුවන ආකාරයත් වැරදි කිරීමෙන් ලබන විපාකත්, වැරැුද්දෙන් මිදෙන ආකාරයත්, වැරදිදේ පව - අකුසලය යනුවෙන්ද, නිවැරදිදේ පින - කුසලය යනුවෙනුත් සියලූ සත්වයාගේ යහපත උදෙසා වැරදි දේ, නිවැරදි දේ නොදන්නා කමින් අපායගාමී වීමෙන් සංසාර ගමනේ ඉපදීමෙන් විදින දුක ගැන කම්පාවී අප සම්මා සම්බුදු බුදුරජාණන් වහන්සේ උපමා, උපමේයන් ඇතිව දුන් අවවාද අනුශාසනා ශ‍්‍රී සද්ධර්මයයි. අපිදැන් බුදුන් කවුද ? උන්වන්සේ දේශනාකල ශ‍්‍රී සද්ධර්මය කුමක්ද ? එහි ඇත්තේ කුමක්ද ? (මංගල සූත‍්‍රය, පරාභව සූත‍්‍රය, වසල සූත‍්‍රය කියවා බලන්න) කියා ඉතාම කෙටියෙන් දැනගත්තා නේද ?

මා පසුගිය ඇසළ පෝදින ඉදිරිපත් කල ධර්ම පත‍්‍රිකාවට එක්අයෙක් අදහස් දක්වා තිබුනේ මෙවැනි ලිපි වලින් පවුකාරයන් යහමග යවන්නේ කෙසේද කියාය. ඔහුට පිළිතුරු එහිම තිබුණා වගේම මාද පවසන්නේ බෞද්ධ කම නොදැන කරන වැරදිවලට දඩුවම් විදින්න වන ආකාරය, නොදැන කරන නිසා, මෙවැනි ලිපි කියවීමෙන් බුදු දහමේ සත්‍ය දැන ගන්නා බෞද්ධයා එයින් මිදෙන බව පැහැදිලිව කිව යුතුය. (අංගුලිමාල රහතන් වහන්සේ ගැන සිතන්න) කවුද මේ බෞද්ධයා, මොකක්ද මේ බෞද්ධ කම ?

පින්වතුනේ මා ඉහතින් සදහන් කලා අප බුදුන් බුද්ධ වුනේ සිය`ඵ දෙය දැනගත් හේතුවෙන් බව නේද එවැනිම සමාන තේරුමක් ගෙනදෙන බෞද්ධයා බෞද්ධකම යන වචන බව කියමි. බෞද්ධයා යනුවෙන් අදහස් වන්නේ අනවබෝධයෙන් තොර ඥානවන්ත බුද්ධිමතා යන්නය. බෞද්ධ කමෙන් අදහස් වන්නේ අවබෝධයෙන් ගත කරන සංවරකමයි, උගත් කමයි - බුද්ධිමත්කමයි - සංවරකමයි - වැදගත්කමයි අතර විශාල වෙනසක් ඇති බව සිහි තබා ගන්න. කොපමණ උගත් කමක් තිබුණත් තේරුම් ගෙන අවබෝධයෙන් වැඩ නොකරන කථා කරන, සිතන අය බොහෝය. ඔවුන් නමට බෞද්ධ වූවත් බෞද්ධයා යන තේරුම ඔහුට ගැලපෙන්නේ නැත. පිටතට වැදගත් කමක් පෙන්නුවත් ඔහුගේ හෝ ඇයගේ ඉදුරන් සංවර නොමැතිනම් ඔහු හෝ ඇය ලග බෞද්ධ කමක් නැත. මොවුන් බුදුදහමේ හ`දුන්වන්නේ බෞද්ධයින් ලෙස නොව මිත්‍යා දුෂ්ඨීකයින් ලෙසය. සුදු ඇන්දට, පන්සල් ගිියාට, මල් පහන් පූජාකර සිල්ගත්තාට, ධනය දානය පූජා කලාට විශේෂයෙන් චීවරයක් ඇගලා ගත් පමණින් බෞද්ධකමේ වත් බෞද්ධයෙකු යන තේරුමවත් ශාක්ෂාත් වන්නේ නැත. එසේනම් බෞද්ධකම තුලින් මිනිසෙකු බෞද්ධයෙකු වන්නේ කෙසේද ?

බෞද්ධයෙකු වීමට නම් අසංවරකමෙන් මිදුන සංවර පුද්ගලයෙක් විය යුතුය. නිරහංකාරකම, නිහතමානී කම නම්‍යශීලී භාවය නැතිකෙනෙකුට බෞද්ධයෙකු විය නොහැක. බෞද්ධයෙකු වීමේ පළමු පියවර නම් ශ‍්‍රද්ධා වන්තයෙකු වීමයි. මාන්නය, අහංකාරකම, එකට එක කිරීමේ උඩගු කම ඇති අයට බෞද්ධයෙකු වීමට අපහසු බව කීවේ ඒ නිසාය. ශ‍්‍රද්ධාවන්ත කම නම් ශීලවන්ත කමයි, ශීලවන්ත කම නම් සිත මුල් කරගෙන කය සහ වචනයේ නිවැරදි ක‍්‍රියාවයි. බෞද්ධයෙකුට ශ‍්‍රද්ධාවන්ත කම ඇතිවන්නේ බුද්ධ රත්නය, ධම්ම රත්නය, සංඝ රත්නය කෙරෙහි සත්‍ය දැන විශ්වාසයක් ඇතිවූ විටයි. විශ්වාසය කුමක් ස`දහාද යන්න විස්තර සහිතව නම් 1. භාග්‍යවතුන් වහන්සේ තමන්ට විමුක්තිය උදාකරගැනීමට කියාදුන් ගුරුවරයානන් වහන්සේය. (බුදුන් ගැන විශ්වාසය* 2. බුද්ධ ධර්මය නිවන් මග හෙලිකරන තමන්ට අනුගමන කිරීමට සුදුසු මග බව පිළිගැනීම. (ධම්ම රත්නය පිළිබ`ද විශ්වාසය* 3. ඒ මග ගමන් කල තමණට පූර්වාදර්ශ සැපයීමට සමත් උතුමන් පිරිස ලෙස ආර්ය මහා සංඝරත්නය පිළිගැනීම (සංඝ රත්නය කෙරෙහි විශ්වාස නම් වේ. මෙසේ ත‍්‍රිවිධ රත්නයේ නොවෙනස් සත්‍ය ක‍්‍රියාවලිය හදුනාගන්නා බුද්ධිමතා වැරදිදේ කිරීමට ලැජ්ජා (හිරි* වනවාය. වැරදි දේ කිරීමෙන් සිදුවන විපාකයට බය (ඔතප්* වනවාය. මෙසේ පංච ඉන්ද්‍රීයන් සංවරව සිතට දෙන සංඥාවන් අනුව සිතෙහි දියුණුව ප‍්‍රඥාවන්ත කම නිසා පවෙහි අකුසලයෙහි ප‍්‍රතිඵලය තේරුම්ගෙන ලැජ්ජාබය ඇතිව ජීවත් වීමට ක‍්‍රියාවලිය සිදු කිරීමට විඥ්ඥානය කරුණු දීම නම් ශ‍්‍රද්ධාවන්ත කමයි. (සිතට දැනෙන සිතුවිලි ක‍්‍රියාවලියේ යොදවන්නේ විඥ්ඥානයයි) මෙසේ සංවර ඉදුරන් ඇති සිත සොයනුයේ ඊළග නිවැරදි මාවතයි. එයනම් බෞද්ධයෙකු වීමේ දෙවෙනි පියවර වන බෞද්ධයෙකුවීමට සිදුකරන ධර්මතාවයයි. ධම්මානු ධම්ම ප‍්‍රතිපත්තියයි. නිවැරදි ක‍්‍රමයට අනුව ශ‍්‍රද්ධාවන්කම ආරක්ෂා කිරීමත්, වැඩි දියුණු කර ගැනීමට කටයුතු කිරීමත් වැරදි දේ නොකිරීමත්, තිබෙන වැරදි නිවැරදිකර ගැනීමත්ය. ධම්මානු ධම්ම ප‍්‍රතිපත්ති අනුගමනය කිරීමට කුමක් කල යුතුද ? ත‍්‍රිවිධ පුණ්‍යක් ක‍්‍රියාවන දාන, ශීල භාවනා, සිදුකල යුතුය. දානයෙන් සිදුවන්නේ ආශාවෙන් ඉවත්වීමයි. ශීලයෙන් සිදුවන්නේ සත්‍යය දැනගැනීමයි. භාවනාවෙන් සිදුවන්නේ සිත සංවරවීමෙන්, සත්‍යය දැනගැනීමෙන්, සමාධියට පත්වීමයි. මෙසේ ත‍්‍රිවිධ රත්නය කෙරෙහි ඇතිවූ විශ්වාසය මත ගොඩනැගුනු ශීල වන්ත කම ඔබව ශ‍්‍රද්ධානුශාරී පුද්ගලයෙක් කිරීම තුලින් ප‍්‍රතිපත්ති අනුගමනය කිරීමෙන් ධම්මානුසාරී බුද්ධිමත් පුද්ගලයෙක් වීම ශ‍්‍රද්ධානුසාරීවීමත් ධම්මානුසාරී වීමත් බෞද්ධයෙකු වීමේ පළමු සහ දෙවන පියවරවල් බව කිව යුතුය. (වර්තමානයේ බෞද්ධකම පිරීහී ඇත්තේ මේ මොන්ටිසෝරිය ගැන නොදන්නා උගත් මිත්‍යා දෘෂ්ටීන් නිසාය.) දැන් ඔබ බෞද්ධයෙකු වී හමාරය. බෞද්ධයෙකු වූ ඔබ දැන්කල යුත්තේ කුමක්ද ? බෞද්ධයෙකු වීමේ පරමාර්ථ වනුයේ නිර්වාණයයි, නිවන් සැපලැබීමයි. මොන්ටිසෝරිය සමත් බෞද්ධයා අවසාන උපාධිය දක්වා යා යුතුය. මරණ දැන්වීමට නිවන් සැප ලැබේවා කියා දැම්මාට නිවන් ලබන්නට බැරි බව දැන් ඔබට වැටහෙනවා ඇත. ඒ ගමන් මාර්ගනම් සෝවාන් මාර්ගය, සකෘදාගාමී මාර්ගය අනාගාමී මාර්ගය අරහත් වන ආර්ය මාර්ගයයි. බෞද්ධයෙකු වීමට පලමු පියවරවල් දෙක අනුගමනය කලාසේම ආර්ය මාර්ගය අනුගමනය කිරීමටද පිලිපැදිය යුතු කරුණු අටක් ඇත. එයනම් ආර්ය අෂ්ඨාංගික මාර්ගයයි.

අරිඅට මග යනුවෙන් දේශනා කර ඇත්තේ බුදුරජාණන් වහන්සේ විසින් නිවන් මාර්ගය ශාක්ෂාත් කර ගැනීමට බුදු පිලිවෙත් අනුගමනය කරමින් සිටින ආර්යයන්ට. (පුද්ගලයින්) දැනගත යුතු, දැනගෙන පිලිපැදිය යුතු යහපත් ක‍්‍රියාමාර්ග අටයි. එයනම් ආර්ය අෂ්ඨාංගික මාර්ගයයි.

ආර්ය අෂ්ඨාංගික මාර්ගයේ යාමට පෙර ඒ ස`දහා පිහිට විය යුතු ප‍්‍රධාන කරුණු හතරක් ඇත, ඒවානම් 1. කල්‍යාණ මිත‍්‍ර සේවනය (යහපත් ගුණ ගරුක අදහස් ඇති මිතුරන් ලැබීම* 2. සද්ධර්ම ශ‍්‍රවණය (නිවැරදි අවවාද අනුශාසනා අසන්නට ලැබීම) 3. යෝනියෝ මනසිකාරය - (අසන්නට ලැබෙන නිවැරදි දෙය නොකිලිටි පිරිසිදු මනසකින් අසා දැන ගැනීම) 4. ධම්මානු ධම්ම ප‍්‍රතිපත්තිය - (අසාදැනගත් නිවැරදි දෙය තමන් විසින්ම ප‍්‍රායෝගිකව පිළිපැදීම යන කරුණය) මොනවද පිළිපැදිය යුතු කරුණු අට, ඒවා නම් 1. සම්මාදිට්ඨිය - යහපත් දැක්ම කුමක් අරමුණුකරගෙනද යන්නනම් මේ දුක ඇතිවීමට හේතුව, නැතිවීමට හේතුව, මේදුක ඇතිවීම නැතිවීම නැවැත්වීමට හැකි මාර්ගයය පිළිබ`දව සත්‍යය දැන ගැනීම සම්මා දිට්ඨියයි. හේතුවක් නිසා හටගත් දුක පිළිබ`ද සත්‍යනම් චතුරාර්්‍ය සත්‍ය අවබෝධ වීමයි. 2. සම්මා සංකප්ප - යපහත් සිතුවිලි - අනුකම්පාව, කරුණාව, දයාව, මෛත‍්‍රිය, නිරහන්කාරකම, නම්‍යශීලී භාවය ඇතිකරගෙන ‘‘අත්තානං උපමංකත්වා’’ තමන් උපමාවට ගෙන සියලු ආශාවන්ට මුලානොවී සිතන යහපත් සිතුවිලිය. 3. සම්මා වාචා - යහපත් වචන, අප බුදුරජාණන් වහන්සේ දරුනු තිරිසන් සතුන් පවා මිනිසුන් යකුන් දමනය කලේද යහපත් වචන කතාකිරීමෙනුයි. බොරුකීම, පරුෂ වචනකීම, කේලම් කීම, හිස්වචන කථා කිරීම, මිත්‍යා වාචායැයි. 4. සම්මා කම්මන්ත - යහපත් ක‍්‍රියාවන් - යහපත් ක‍්‍රියාවන්නම් පන්සිල් පද පහ පොරොන්දු වීම අනුව රැකගැනීමයි. 5. සම්මා ආජීව - යහපත් දිවිපැවැත්ම - ජීවත්වීම ස`දහා උපයෝගීකර ගන්නා වැරදි ක‍්‍රියාවන් තුලින්, සොරකමින්, දූෂණයෙන්, වැරදි වෙළෙදාමින් (සතුන්, සතුන්ගේ මස්, අවිආයුධ, මත්ද්‍රව්‍ය) වැලකී සිටීමයි. 6. සම්මා වායාම - යහපත් උත්සහය මෙසේ උත්සහය වීර්්‍ය ගතයුත්තේ ඇති කුසල් රැකගැනිමටත්, නැති කුසල් ඇතිකර ගැනීමටත්, ඇති අකුසල් නැති කර ගැනීමටත්, නැති අකුසල් ඇතිවීමටත් ඉඩනොදී රැුකගැනීමටය. 7. සම්මා සතිය - යහපත් සිහිය - යහපත් සිහිය කුමක් අරමුණු කරගෙනද සතර සතිපට්ටානය පිළිබඳ අවබෝධය වෙනස් නොවී තබාගැනීමයි. (සතරනම් හතරයි. සතිනම් සිහියයි පට්ටානනම් පිහිටුවීමයි. කරුණු හතරක් පිළිබ`දව සිහිය පිහිටුවීම සතර සති පට්ටානයයි. I. කායානුපස්සනා - ශරීරය පිළිබ`ද සත්‍ය දැනගැනීම. II. වේදනානු පස්සනාව - කයට දැනෙන දැනීම් පිළිබ`දව සත්‍ය ගවේශණ කිරීම. III. ධම්මානු පස්සනාව - ඕනැම ක‍්‍රියාවක ස්වභාවය ප‍්‍රතිඵලය දැනගැනීම. IV. චින්තානු පස්සනාව - සිතෙහි උපදින සිතුවිලි වල නිවැරදිභාවය අවබෝධය කරගැනීම.* 8. සම්මා සමාධිය - යහපත් වූ සිතෙහි තැම්පත් ස්වභාවයයි. පංචකාම සම්පත්තියෙන් සිත මිදීමයි. මේ කරුණු අට සම්පූර්ණවන විට ඔබද ආර්්‍ය මාර්ගිකයෙකු වනු ඇත.

මෙතෙක් මාගේ දැනුමේ තරමින් බෞද්ධකම දැන බෞද්ධයෙකු වී බෞද්ධ පිළිවෙත් අනුගමනය කිරීමට පැහැදිලි කල ආකාරය සු`ඵවෙන් හෝ වටහාගත් බව සිතමි. බෞද්ධයෙකු වීමට වෙර දරන ඔබ මාර බාධක හදුනාගැනීමට මෙය සිහිතබා ගත යුතුය. දුර්ලබ මිනිසත් භාවය විනාශකරන ලෝභකම ඔබ සිතතුල ඇතිවුනේ මට පමණක් කියන ආශාව නිසයි. රාගය ඇතිවුනේද ඒ ආශාව නිසාය. ද්වේශය ඔබතුල වැඩුනේ මමත්වයට හිමි ආත්ම ගෞරවය වැඩිකර ගන්නයි. මෝහය ඔබසිතතුල වැඩුනේ සැප නියතයි කියන මුලාව පෝෂණය කරන්නයි. බෞද්ධයෙක් වීමේදී සිදුවන්නේ ලෝභ ද්වේශ මෝහ ඉවත්වීමයි. මේ ජයග‍්‍රහණය ඉතාම දුක්සහිතයි. වේදනාකාරී කටුකයි, බාධක අප‍්‍රමාණයි. මේ ජයග‍්‍රහණය ලබාගැනීමට වෙරදරන දා සිටම සතුරන් ඇතිවෙනවා ඒ සතුරන්නම් පෙර ආත්මභවවල සිටම ධර්මයට වෛරකරන අයයි. මේ ගමන යාමට, පෙර පිං බලය අවශ්‍යම බව සිහිතබාගන්න. ඒ සතුරන් පවුලේම ස්වාමියා, බිරිද දරුවන් සහෝදරයින්, අම්මා, තාත්තා වීමටද පු`ඵවන, එයට හේතුව පෙරකල අකුසල් බලය නිසා ධර්මයට වෛරකිරීමයි. පිටතින් ඇතිවන බාධාවලට වැඩිය පවුලේ ඇතිවන බාධා ඔබට විශාල වශයෙන් දැනෙන්නේ තමන්ගේ කමට ඇති බැදීම නිසාය. මෙසේ මේ අය සතුරන් වන්නේ බෞද්ධයෙකු වීමට ප‍්‍රථම ආශාවන් වලට වහල්වීම නිසා කල දෙයින් ප‍්‍රතිලාභ ලැබූ අයට ඔබට මුලාව තේරුන පසු මධ්‍යස්ථ වූනිසා එම ප‍්‍රතිලාභ නොලැබුණ නිසාය. එම නිසා බුදු දහමේ ස`දහන් වෙනවා විෂඝෝර සර්පයෙකුගේ වලිගයෙන් අල්ලාගත්සේ විය හැකිය දැන මේ ගමන ගියේ නැතිනම්, මාගේ මාතෘකාව වූයේද බෞද්ධකම දැන බෞද්ධයෙකු විය යුතු බවයි.

මේ වනතෙක් ලිපියට සිත යොමු කල ඔබ දැන් සිටින්නේ පටන්ගත්තු තැනද, කියවා අවසන් වූ තැනද, හොදයි අපි අවාර්ජනය කර බලමු දැනගත් දෙය, ප‍්‍රථමයෙන් අපට අවශ්‍ය වුනේ බෞද්ධකම තුලින් බෞද්ධයෙකු වීමේ මාර්ගය කියාදුන් ශාස්තෘවරයන් වහන්සේ වන ගෞතම බුදුරජාණන් වහන්සේ කෙටියෙන් හදුනාගැනීමයි. ඉන්පසු උන්වහන්සේ විසින් දේශනාකරන ලද අසූහාරදාහක් අවවාද, අනුශාසනා ශ‍්‍රී සද්ධර්මය වශයෙන් දැනගත්තා, බෞද්ධයෙකු වීමට ප‍්‍රාථමික සුදුසුකම් වන ශ‍්‍රද්ධාවන්තයෙකු වන ආකාරයත්, ශ‍්‍රද්ධාවන්තයෙකු වී ධම්මානු ධම්ම ප‍්‍රතිපත්ති මාර්ගය වන ආර්්‍යාෂ්ඨාංගික මාර්ගයද දැනගන්තානේද, මේවන විට ඔබ මේ ලිපිය ශ‍්‍රද්ධාවෙන් කියෙව්වානම් සම්මා දිට්ඨිය පහලවී ඇත. හොද සිතුවිලි පහලවී ඇත, හොද වචන කියවා ඇත, දැන් ඔබට ඇත්තේ යහපත් ක‍්‍රියාතුලින් යහපත් ජීවිතයක් යහපත් උත්සහයක් තුලින් ගත කිරීම නේද ? ආර්්‍යාෂ්ඨාංගික මාර්ගයේ දොරටු 6 ක් විවෘතවූ වානේද? තව ඉතිරිවී ඇත්තේ දොරටු දෙකක් නොවේද ? හොද සිහියෙන් සමාධියට පැමිණීමයි. එය කලහැක්කේ සිත වැඞීමෙන්ය. සිත වැඞීම යනු භාවනාවයි. මාගේ දැනුමේ ප‍්‍රමාණයෙන් භාවනා ක‍්‍රම වන සමථ භාවනාවත්, විදර්ශනා භාවනාවත් කියාදී ඉතිරි දොරටු දෙකෙත් විවෘත කර දහම් පිපාසයෙන් වල්මත් වී සිටින අසරණ බෞද්ධයන්ට තේ හැන්දක ප‍්‍රමාණයකින්වත් දහම් පිපාසය සංසිදවීම මාගේ මතු බලාපොරොත්තුවයි. ඒ තුලින් සත්‍ය බුදුදහම ඉගෙන අවබෝධයෙන් අනුගමනය කරමින් නිමක් නොපෙනෙන සංසාරගමනෙන් මිදී බුදු පසේබුදු මහරහතුන් වැඩි මග ඔස්සේ උතුම් ශාන්ත සුවය නම් වූ නිර්වාණ මාර්ගය ශාක්සාත් කරගැනීමට ඔවුනට ප‍්‍රඥ්ඥාව පහළවේවායි සැදැහැ සිතින් ප‍්‍රාර්ථනා කරමි.

සෝමතිලක හෙට්ටිආරච්චි (විශ‍්‍රාමික නාවික හමුදා)

ධම්ම ගවේෂි පදනම (071 - 2385967 )

Tuesday, July 28, 2015

Google Loon project: Scaling Up

Since launching a handful of balloons in New Zealand at our Project launch in 2013 we've flown millions of test kilometers around the world trying to learn what it will take to provide connectivity to everyone, anywhere, with balloons.In this video, Project Lead Mike Cassidy talks us through the progress the team has made towards creating and managing a balloon network at scale and making balloon-powered Internet for all a reality

ගූගල් ලූන් අන්තර්ජාලය අඩු මිලට

පළමු ගිවිසුම ශ්‍රී ලංකාව සමග

ගූගල් ලූන් නමැති අන්තර්ජාල පහසුකම් ලබාදෙන ව්‍යාපෘතියක් ශ්‍රී ලංකාවට හඳුන්වා දීම සඳහා ගූගල් සමාගමත් ආණ්ඩුවත් අතර අද (28) උදෑසන ගිවිසුමකට අත්සන් කෙරිණි.

මෙම ව්‍යාපෘතිය ක්‍රියාත්මක කෙරෙන ලෝකයේ පළමු රට බවට ශ්‍රී ලංකාව පත්වෙන අතර ඒ අනුව අවකාශයට යැවෙන බැලූන් මාර්ගයෙන් සමස්ථ ජනතාවටම 3G අන්තර්ජාල සම්බන්ධතාවය ලබාගැනීමට හැකිවනු ඇත.

මෙම ඉහළට යවන ලබන බැලුන් ලංකාවේ සිටින දුරකථන සමාගම් වල තරංග සම්ප්‍රේෂණය කිරීම සඳහා ලබාදීමටත් එමගින් ලංකාව පුරාවට අන්තර්ජාල පහසුකම් අඩු මුදලක් යටතේ ලබාදීමට බලාපොරොත්තු වේ.

ගූගල් සමාගමේ ව්‍යාපෘති ප්‍රධානී මයික් කැසිඩ්, ඉක්ටා ආයතනයේ කළමනාකරණ අධ්‍යක්ෂ මුහුන්තන් කැනගේ, විදේශ ඇමැති මංගල සමරවීර, ආරක්ෂක රාජ්‍ය ඇමැති රුවන් විජයවර්ධන, නියෝජ්‍ය අමාත්‍යවරුන් වන හර්ෂ ද සිල්වා හා ඉරාන් වික්‍රමරත්න යන මහත්වරු එම අවස්ථාවට එක්ව සිටියහ.

Click here view vedio

Friday, June 26, 2015

ගජමන් නෝනා

විර්තාමුල්ලේ ගමගේ දොන් ප‍්‍රැන්සිස්කු සේනාරත්න කුමාරප්පෙරුමාල් උපන්නේ බෙලිඅත්තේ තදාවත්ත ප‍්‍රදේශයේය. තරුණ වියට පැමිණීමත් සමගම ප‍්‍රදේශයේ මුදලිවරයාගේ ලියනඅප්පු රස්සාව බාරගත් ඔහු තම ස්වාමියාට බොහෝ සේ ගරු සරු දක්වමින් හැකි උපරිමයෙන් රස්සාව කරගෙන ගියේය.
‘‘මුදලි තුමා, මාවත් ආණ්ඩුකාර උත්තමය ගාවට එක්කගෙන ගිහින්, මටත් ආණ්ඩුවේ රස්සාවක් අරගෙන දෙන්නකො’’ ලියන අප්පු, හැමදාමත්, මුදලිට කරදර කළේය.

එවකට ලංකාවේ පහතරට ප‍්‍රදේශයේ පාලනය සිදුවුණේ ලන්දේසි ආණ්ඩුකාරයා යටතේය. උඩරට ප‍්‍රදේශ රාජාධි රාජසිංහ රජුගේ පාලනයට අවනතව තිබිණි. වර්ෂයක් ලෙස සඳහන් කළොත් ඒ 1740 තරම්ය.

‘‘යමුකො එහෙනම්..’’

තම ලියන අප්පුගේ කරදරයේ අවසානයක් නොමැති තැන මුදලි පැවසුවේය.

ප‍්‍රැන්සිස්කු, කොළඹ යන්නේ ඒ අනුවය.

ආණ්ඩුකාර කාර්යාලයට ගිය මුදලි ආණ්ඩුකාරවරයා මුණගැසී තම ලියන අප්පු ගැන සඳහන් කළේය.

පහතරට ලන්දේසි පාලනයට උදව් උපකාර කරමින්, ඔවුන්ගේම ආගම අදහන සිංහලයන්ට, ලන්දේසි ආණ්ඩුකාරයාගේ ලොකු පැහැදීමක් තිබිණි. විශේෂයෙන් බෙලිඅත්තේ මුදලි කෙරෙහි ඔහුගේ විශ්වාසයද ඉහළය.

ප‍්‍රැන්සිස්කු තමා හමුවට කැඳවාගත් ආණ්ඩුකාරයා, ඔහු සමඟ කළ කතාවෙන් ඒ බව පැහැදුණේය. අන්තිමේදී කොළඹ වරායටත් අලි වෙළෙඳාමටත් සම්බන්ධ සුළු රාජකාරියකට ප‍්‍රැන්සිස්කුට පත්වීමක් ලැබිණි.

බෙලිඅත්තෙන් කොළඹට ආ ප‍්‍රැන්සිස්කු කොල්ලූපිටියෙන් ගෙයක් සොයාගත්තේය.

මේ වනවිට ලංකාවේ බොහෝ ප‍්‍රදේශ වනගතව පැවතියේය. අද ජනාකීර්ණව පවතින අවිස්සාවේල්ල සීතාවකසේම ගාල්ල හා මාතර පවා බොහෝ ප‍්‍රදේශ පැවතියේ වනගතවය. මේ වනගත ප‍්‍රදේශ වල්අලින්ගේ රාජධානි බවට පත්ව තිබිණි.

මේ නිසාම ලංකාවේ අලි අල්ලා එතෙරට පැටවීම ලන්දේසි ආණ්ඩුව කාලයේ රජයට ආදායම් ලබාදුන් වෙළෙඳාමක් බවට පත්ව තිබිණි. ප‍්‍රැන්සිස්කු සේනාරත්න ද කොල්ලූපිටියට වී මේ අලි වෙළඳාම පිළිබඳ විවිධ කටයුතුවල නිරතව සිටියේය.

බබානෝනා හාමිනේ ඔහුගේ ඇසගැසුණේ ඔන්න ඔය කාලයේය. එවක පාසල් පවත්වා ගෙන ගියේ පල්ලියෙනි. මේ පල්ලියේ පාසලක උගැන්වීම් කටයුතු කරගෙන ගිය හුරුබුහුටි ගුරුතුමිය දුටුවිට ප‍්‍රැන්සිස්කුගේ පෙම් හැඟීම් අවදිවිය.

කකුල්දෙකම වැහෙන දිගු සායත් පපුව සහ දෑත මුළුමණින්ම වැසී තිබුණු කබාකුරුත්තාවක් ඇඳ සිටි මේ තරුණිය ප‍්‍රැන්සිස්කුට රසඳුනක් විය.

මුලින් මුලින් ඇය පාසලට යන හැටි දුරතියා බලාගෙන සිටි ප‍්‍රැන්සිස්කු අවසානයේ ඇයට විවාහ යෝජනාව ඉදිරිපත් කළේය.

බබානෝනා හාමිනේගේ කැමැත්ත ද ඔහුට ලැබුණේ ඔහු ආණ්ඩුවේ සේවය කිරීම නිසාමය. මෙකල ආණ්ඩුවට සම්බන්ධ කරන රස්සාවලට හිමිව තිබුණේ ලොකු පිළිගැනීමකි. ගැහැනියකට දුකක් නැතිව ජීවත්වීමට නම් ඇගේ සැමියා ආණ්ඩුවේ රස්සාවක් කළ යුතුය යන පිළිගැනීමක් මෙකල පැවතිණි.

ඉතින් ප‍්‍රැන්සිස්කුගේත් බබානෝනා හාමිනේගේත් විවාහය අලංකාරවත් ලෙස සිදුවිය. ප‍්‍රැන්සිස්කුගේ කොල්ලූපිටියේ ගෙදර තිබුණු හුදෙකලාව මේ සුන්දර ගුරුවරිය නිසා තුරන් වී ගියේය.

වැඩිකල් නොයාම මේ ගෙදරින් කිරිකැටියකුගේ හැඬීම ඇසිණි. දවසින් දවස ආදරයේ සුන්දරත්වය මැද දවස් ගෙවීගිය අතර ප‍්‍රැන්සිස්කුටද දරුවන් පස්දෙනකුගේ ආදරය විඳින්නට ඉඩ ලැබිණි. මේ දරුවෝ අම්මා ඉගැන්වීම් තුළ පාසලෙන්ම මූලික අධ්‍යාපනය ලබාගන්නට තරම් වාසනාවන්ත වූහ.
මොවුන් බම්බලපිටියේ මිලාගිරිය පල්ලියේදී බෞතීස්ම කෙරුණේ ඔවුන් ඇදහූ මේ ක‍්‍රිස්තියානි ආගම වූ නිසාය.

කරතොට ධර්මාරාම හිමි වාසය කළ ගොඩනැගිල්ල

ප‍්‍රැන්සිස්කු සේනාරත්නගේ දෙවැනි දුව 1759 අවුරුද්දේ දී බෞතීස්ම කෙරුණේ දෝන ඉසබෙලා කොර්නේලියා යන නමිනි.

මෙන්න මේ දෝන ඉසබෙලා යනු පසුකලෙක අපේ රටේ අතිශය ජනප‍්‍රිය චරිතයක් බවට පත්වූ කාන්තාවකි. අද මෙසේ ඇය ගැන ලියවෙන්නේ ඇත්තටම ඇය චරිතයක් බවට පත්වුණු නිසාමය. ඉතින් ඇය ගජමන් නෝනා ලෙස රට පතළ වූ කාන්තාව බව තව දුරටත් නොකියා නොසිටිමු.

ගජමන් නෝනාගේ වයස අවුරුදු දාහතරට කිට්ටුවෙද්දී ඇගේ පියාවූ ප‍්‍රැන්සිස්කුට රස්සාවේ උසස්වීමක් ලැබිණි. ගජමන් ආරච්චි ලෙසද හැඳින්වුණු මේ තනතුරත් සමඟම ප‍්‍රැන්සිස්කුට මාරුවීමක්ද ලැබිණි. ඒ අනුව මාතරට ගිය ඔහු කොල්ලූපිටියෙන් ගියේ තම දරු පවුලද කැඳවාගෙනය. මාතර දිස්ති‍්‍රක්කයේ අලි ඇල්ලීමේ සහ හීලෑ කිරීමේ කටයුතු බාර නිලයේ ප‍්‍රධානත්වය ප‍්‍රැන්සිස්කෝට දරන්නට සිදුවිය. එසේම කහවත්ත තෝම්බුවද බාරකෙරුණේ ඔහුටය.
යළි උපන් ගමට පැමිණීමේ සතුට හදපුරා භුක්ති විඳි ඔහුට පත්තායමේ ලේකම්ගේ ඇසුරද ලැබිණි. තම ඥාතියකු වූ ඔහු ඒ වනවිට ප‍්‍රදේශයේ පත්තායම් හෙවත් වීගබඩා පහක් බාරව සිටියේය.

මොහු ලන්දේසි ආණ්ඩුවේ අනෙකුත් නිලධාරීන් මෙන් නොව හොඳට සිංහල භාෂාව ඉගෙනගෙන සිටියේය. කාව්‍යය ශාස්ත‍්‍රයටද කුසලතා දැක්වූ හෙතෙම සිංහල උගත්තේ රුහුණු පුරවරයේ පමණක් නොව උඩරට රාජ්‍යයේද නම පතළ වූ උගත් පඬිරුවනකගෙනි. ඒ කරතොට ධර්මාරාම හාමුදුරුවන්ගෙනි.

පත්තායමේ ලේකම් ප‍්‍රැන්සිස්කු සේනාරත්නගේ දරුවන් කෙරෙහි විශේෂ සෙනෙහසක් දැක්වීය. මේ අතුරින්ද ඔහුගේ හිතගත්තේ හුරුබුහුටි ගැහැනු දරුවාය. සිංහල භාෂාවට මෙන්ම කාව්‍ය රචනයටද ඇල්මක් දැක්වූ ඇය ළංකරගෙන තමා දන්නා සිංහලත් කාව්‍ය ශාස්ත‍්‍රයත් ඇයට උගැන්වීම පත්තායමේ ලේකම්ට සතුටක් විය. එහෙත් ඔහු දන්නා ශාස්ත‍්‍රය මදිබව වටහාගත් පත්තායමේ ලේකම් ප‍්‍රැන්සිස්කු හමුවී ඔහුට ඉදිරිපත් කළේ අපූරු යෝජනාවකි.

”මේ කෙල්ල ඉගෙනීමට බොහොම දක්ෂයි. කවියටත් බොහොම කැමැත්තක් තියෙනවා. කරතොට හාමුදුරුවො ළඟට යවල උගන්න ගත්තා නම් රට පතළ කවිකාරියක් කරගන්න තිබුණා.”

ප‍්‍රැන්සිස්කු තම ඥාතියා දෙස බැලූවේ විසල් කරගත් දෑසිනි.

”කරතොට උන්නාන්සේ ගෑනු දරුවන්ට උගන්වන්නෙ නෑ නොවැ පත්තායමේ ලේකම්...”

”ඒකනම් එහෙම තමා. ඒත් මේ කෙල්ල තාම පොඩි නිසා කොණ්ඩෙ කපල පිරිමි ඇඳුම් අන්දලා ගත්තොත් කෙල්ලක් කියලා අඳුනගන්න අපේ හාමුදුරුවන්ට බැරිවෙයි...”

ප‍්‍රැන්සිස්කු සේනාරත්න තම දරුවා දෙස බැලූවේය. තවමත් වැඩිවියට පත්නොවූ බැවින් ඇගේ ළය පෙදෙසද උස්ව තිබුණේ නැත.

”අපි එහෙනම් එහෙම කරමු, හැබැයි හාමුදුරුවො රහස දැනගත්තොත් නම් විනාශයක් වෙන්නෙ.”

”අපි කෙල්ලට කියමු පන්සලේදී කොල්ලෙක් වගේ ඉන්න කියල.”

පත්තායමේ ලේකම් කීවේය. ප‍්‍රැන්සිස්කු හිස වැනුවේය. කොර්නේලියා තමන් වෙත කැඳවූ පත්තායමේ ලේකම් දරුවාගේ හිස අතගා ළඟට ගත්තේය.

‘‘දුව ආසයි නේද කාව්‍ය ශාස්ත‍්‍රය පරතෙරටම ඉගෙනගන්න.’’

කෙල්ල සතුටින් ඔව් කීවාය.

‘‘ඒත් මම නම් ඒ ගැන මහා ගොඩාක් දන්නෙ නෑ. මමත් ඉගෙනගත්තෙ කරතොට හාමුදුරුවන්ගෙන්.’’

ගජමන් නෝනා බෞතිස්ම කළ මිලාගිරිය පල්ලිය

‘‘ඉතින් මාවත් ඒ හාමුදුරුවො ළඟට යවන්න මාමෙ.’’

‘‘පොඩි ප‍්‍රශ්නයක් තියෙනවා දරුවො... ඒ හාමුදුරුවො ගෑනු ළමයින්ට උගන්නන්න බාරගන්නෙ නෑ. ඔයා යනව නම් යන්න වෙන්නෙ කොල්ලෙක් වගේ පිරිමි වෙස් අරගෙන.’’

”ඉතින් මාමෙ මම කොල්ලෙක් වගේ ඉන්නම්.”

කොර්නේලියා කීවාය.

පත්තායමේ ලේකම් ප‍්‍රැන්සිස්කු දෙදෙනා බබා නෝනා හාමිනේගේද සහය ඇතිව, කෙල්ලට කොල්ලකුගේ වෙස් ගැන්වීම ආරම්භ කළෝය.

කරතොට ධර්මාරාම හිමි වැඩවාසය කළේ මාතර, වේරගම්පිට රජමහා විහාරයේය. ගජමන් නෝනා සොයා ගිය ගමනෙහි එක් නැවතුමක් ලෙස අපි වේරගම්පිට රජමහා විහාරය තෝරාගතිමු. එහි විහාරාධිකාරී තෙලූල්ලේ නන්දාලෝක හිමියන් අප එහි යනවිට පන්සලේ වැඩසිටියහ.

හාමුදුරුවනේ, අපි ආවෙ කරතොට ධර්මාරාම හාමුදුරුවෝ ගැන තොරතුරු සොයාගෙන.

නන්දාලෝක හිමියන්ට මම පැවසුවෙමි.

කරතොට හාමුදුරුවො වැඩසිටියේ රාජාධිරාජසිංහ රජ්ජුරුවෝ උඩරට පාලනය කරන කාලෙ. මේ කාලෙදී කරතොට හාමුදුරුවෝ රජ්ජුරුවන්ට හසුනක් යැව්වා උඩරට පහතරට දෙකේම නායකත්වය තමන්ට පවරාදෙන ලෙස ඉල්ලමින්.

නමුත් මෙතෙන්දී සිදුවුනේ හාමුදුරුවො පවා නොසිතුව දෙයක්. රජු උදහස් වුණා. රජ්ජුරුවන්ගෙ උදහස කොයිතරම් ප‍්‍රබල වුණාද කියනවා නම් රජ්ජුරුවෝ කළේ වහාම හාමුදුරුවන්ව කන්ද උඩරට රාජධානියෙන් පිටුවහල් කිරීමයි.

ඒ නිසා කරතොට හාමුදුරුවෝ තමන් මුල් පන්සලට වැඩම කළා. ඒ පන්සල තමයි වේරගම්පිට රජමහා විහාරය.

කුමාරදාස රජ්ජුරුවන්ගෙ කාලෙදී කරවපු මේ පන්සල පස්සෙ නටබුන් බවට පත්වෙලා තිබුණා. මහ කදුරුපොකුණේ සුවන්නජෝති හාමුදුරුවොයි මේ පන්සල නැවත ආරම්භ කළේ. ඒ වෙද්දී වෙහෙරක නටබුන් තිබුණු නිසා වෙහෙරගම්පිට කියන නමයි මෙතනට භාවිත වුණේ. ඒ අනුව වේරගම්පිට කියන නම මේ පන්සලට ලැබුණා.

කලින් කිව්ව සුවන්නජෝති හාමුදුරුවන්ගෙ ප‍්‍රධාන ගෝලයා තමයි කරතොට ධර්මාරාම හාමුදුරුවො.

හිත් වේදනාවෙන් මේ පන්සලට වැඩම කරපු කරතොට හාමුදුරුවො අපූරු වැඩක් කළා. ඒක තමයි බාරස නමින් කාව්‍යයක් රචනා කිරීම. මේ කාව්‍යය බැලූ බැල්මටම ප‍්‍රහේලිකාවක්. ඉතින් මේ ප‍්‍රහේලිකා කාව්‍යය කරතොට හාමුදුරුවො රාජාධි රාජසිංහ රජ්ජුරුවන්ට යැව්වා.

ඒත් මේ ප‍්‍රහේලිකාව තේරුම් ගන්න තරම් හැකියාවක් රජ්ජුරුවන්ට තිබුණෙ නැහැ. පස්සෙ රජ්ජුරුවො උඩරට රාජධානියේ හිටපු උගත්තුන්ට, බුද්ධිමතුන්ට මේ කාව්‍ය පෙන්නලා තේරුම ඇහුවා. ඒත් කාටවත්ම මේක තේරුම්ගන්න පුළුවන්වුණේ නැහැ. ඔන්න දැන් රජ්ජුරුවො පැරදිලා. එයා වහාම කළේ කරතොට හාමුදුරුවන්ව පිටුවහල් කළ රාජ නියෝග අවලංගු කිරීම. රාජ දූතයන්ව වේරගම්පිට විහාරයට පිටත්කරලා දෝලාවකින් උන්වහන්සේව රජමැදුරට වැඩම කෙරෙව්වා.

උන්වහන්සේගෙ දෙපාවැඳලා, සමාව අරගෙන බාරස කාව්‍යය තේරුම් කරදෙන්න කියලා කාරුණික ඉල්ලීමක් කළා.

කරතොට හාමුදුරුවෝ ඒ කාව්‍යය තේරුම් කරලා දුන්නට පස්සේ රජ්ජුරවො පණ්ඩිත ශිරෝමණී කියන ගෞරව උපාධියත් සමග සංඛපාල විහාරයේ ඒ ආශි‍්‍රත පල්ලෙබැද්ද නින්දගමත් පූජා කළා. ඒ වගේම පහතරට නායක පදවියටත් කරතොට හාමුදුරුවන්ව පත්කළා.

නමුත් මේ නායක හාමුදුරුවන් වැඩවාසය කළේ වේරගම්පිට රජමහා විහාරයේ ඉදිකරන ලද කුඩා ආවාස ගෙයකය. කාමර හතරකින් පමණක් යුතු මේ කුඩා ආවාස ගෙයි කරතොට හිමි වැඩසිටි කාමරයද අල්පේක්‍ෂක්‍ය එකකි. හැබැයි එදාට සාපේක්‍ෂව මේ ආවාස ගෙය සැපපහසුකම්වලින් පිරුණු එකක් විය යුතුය. මන්දයත් උළු සෙවිලි කළ නිවෙස් මේ යුගයේ නොතිබූ නිසාය. රජ සහ රජුගේ මැති ඇමැතිවරුන් හැරුණු විට උළු සෙවිලි කරන්නට අවසර ලැබුණේ පන්සල්වලට පමණක් නිසාය.

කරතොට හාමුදුරුවෝ තම ආවාසගෙහි වැඩසිටි එක් දවසක පත්තායමේ ලේකම් සහ කහවත්ත තෝම්බුවේ මුලාදැනි තැන හුරුබුහුටි කොලූ පැටවකුද කැඳවාගෙන පන්සලට පැමිණියහ.

හාමුදුරුවන්ගේ දෙපා නැමද එකත්පස් වූ පත්තායමේ ලේකම් දෙස කරතොට හාමුදරුවන් හෙළුවේ විමසුම් බැල්මකි.කොහොමද ලේකම් දැන් ඔහේ කාව්‍ය ශාස්ත‍්‍රය එහෙම දිගටම කරගෙන යනවාද?

කරතොට හාමුදුරුවෝ තම පැරැුණි යාළුවාගෙන් විමසූහ.

‘‘එහෙමයි අපේ හාමුදුරුවනේ’’

පත්තායමේ ලේකම් කීවේ බොහෝ ගරු සරු ඇතිවය.

‘‘ඒ වුණාට මම නම් මෑතකදී ඔහේගේ කාව්‍යයක් දැක්කෙ එහෙම නෑ.’’

‘‘එහෙමයි.’’

‘‘පත්තායමේ ලේකම් කීවේ මද සිනා ඇතිවය.’’

‘‘එහෙමයි කියල බෑ ලේකම්, සත්‍ය අසත්‍ය හැමවෙලාවෙම තියෙන්න ඕනේ ලේකම්. එහෙම නොවුනොත් කාව්‍ය ශාස්තරේ නිකම්ම අමතක වෙනවා.’’
”එහෙමයි’’

කාව්‍ය ශාස්ත‍්‍රය කියන්නෙ බොහොම වැදගත් එකක්. දැන් බලන්න මම ලියපු බාරස කාව්‍ය නිසානෙ මම රාජ උදහසින් ගැලවුණේ. පහතරට නායක තානාන්තරේට පත්වුණේ. පල්ලෙබැද්ද නින්දගම සංඛපාල විහාරය මේ කියන හැමදේම ලැබුණෙ. කරතොට හාමුදුරුවෝ ආඩම්බරයෙන් කියාගෙන ගියහ.එහෙමයි අපේ හාමුදුරුවනේ.

පත්තායමේ ලේකම් කීවේය.

‘‘හොඳයි දැන් කියමු බලන්න මොකද මේ හදිස්සියෙම මේ පැත්තෙ ආවෙ කියලා. කව්ද මේ දරුවා කියලා.’’

හාමුදුරුවෝ විමසූහ.

‘‘අවසර අපේ හාමුදුරුවනේ මේ ඉන්නෙ කහවත්ත තෝම්බුවේ මුලාදෑනි ෆ‍්‍රැන්සිස්කු සේනාරත්න. මේ ඉන්නෙ මෙයාගෙ පුතා. මගෙත් ළඟම නෑයෙක්.’’
පත්තායමේ ලේකම් එසේ කියා හාමුදුරුවන්ගේ මුහුණ බැලූවේය.

කරතොට හාමුදුරුවෝ ඒ දරුවාගේ නිකටට අතතබා බිමට හැරුණු මුහුණ ඔසොවා බැලූහ.

‘‘ඉතිං ඉතිං මොකක්ද දැන් මගෙන් කෙරෙන්න ඕන. මං ලව්වා උගන්නගන්නද ඕනෙ.’’

‘‘එහෙමයි අපේ හාමුදුරුවනේ, ඔබ වහන්සේට තේරුණා.’’

කරතොට හාමුදුරුවන්ගේ සොහොන

‘‘මට නම් විවේකයක් නැහැ. ඒත් ඉතින් ලේකම්ගෙ ඉල්ලීම කොහොමද ඉවත දාන්නෙ.’’

හාමුදුරුවෝ මදක් කල්පනාවේ නිමග්න වූහ.

‘‘ඉතිං ලේකම්ට පුළුවන්නෙ උගන්නන්න. මොකද ලේකම් දක්සය කියල මං දන්නවනේ.’’

‘‘අවසර අපේ හාමුදුරුවනේ, මේ දරුවට මගෙන් ශිල්ප ලැබුණා. නමුත් දැන් මට උගන්වන්න දෙයක් ඉතිරිවෙලා නෑ. ඉතිරි කොටසයි අපේ හාමුදුරුවන්ගෙන් කෙරෙන්න ඕනෙ.

”ඔව්.... ඔව්.... එහෙමනම් හවසට හවසට දරුවාව එවමුකො. සපුගොඩ පන්සලේ සාමනේර නමකුත් හවසට එනවනෙ. දෙන්නටම එකට ශිල්ප දෙන්න බැරියැයි.’’

නායක හාමුදුරුවෝ කීහ.

පත්තයාමේ ලේකම් ෆ‍්‍රැන්සිස්කු සහ කොර්නේලියා පිටව ගියේ සතුටිනි.

‘‘හැබැයි දුවේ, ඔයා කෙල්ලක් බවනම් හාමුදුරුවන්ට අඟවන්න එපා. කොල්ලෙක් වගේම හැසිරෙන්න පරෙස්සම් වෙන්න ඕනෙ. නැත්නම් මටයි බැණුම්.’’
පත්තායමේ ලේකම් නැවත වතාවක් කොර්නේලියාට කීවේය.

ඇය හිස සැලූවේ මද සිනා මුවෙහි ඇතිවය.

ඊට පසුදා පටන් කොර්නේලියා, කොරනේල්ස් සේනාරතන වී වේරගම්පිට පන්සලට ගියාය. කරතොට හාමුදුරුවන්ගෙන් සිංහලත් කාව්‍ය ශාස්ත‍්‍රයක් මොනවට උගත් ඇය පත්තායමේ ලේකම් සමග තරගෙට කවි ලිව්වාය.

ඇය සමග වේරගම්පිට පන්සලේදී අකුරු කළ ඇලපාත ධම්මරත්න සාමනේර හාමුදුරුවෝද කවියටත් ඉගෙනීමටත් දක්‍ෂකම් පල කළහ. මේ නිසා කොර්නේලිස් ධම්මරතන හාමුදුරුවෝත් තරගයට මෙන් කවි නිර්මාණ කරන්නට වූහ.

පොඩි හාමුදුරුවෝද ගැහැණු ළමයකුගේ බඳු ලද බොළඳ පෙනුමක් ඇති ‘‘කොර්නේලිස්’’ සමග මිතුරු වූහ.

මම ඉන්නෙ කඹුරුපිටියෙ සපුගොඩ පන්සලේ සාමනේර හාමුදුරුවෝ කීහ.

‘‘වෙලාවක ඔයත් එන්න මගෙත් එක්ක පන්සලට යන්න.’’

‘‘හොඳයි හාමුදුරුවනේ මම එන්නම් ‘‘කොරනේලිස්’’ ගැහැණු ළමයෙකුගේ හඬින් කීය.

අන්න ඒ සපුගොඩ පන්සලට අප ගියේ ඇලපාත ධම්මරතන සාමණේර හාමුදුරුවන් ගැන තොරතුරු සොයන්නටය.

සපුගොඩට ආසන්නව ලස්සන වෙල් යායක් අසබඩ පිහිටා ඇති මේ පන්සලේ පිරිවෙණ මාතරටම ප‍්‍රසිද්ධ එකකි.

පන්සල පාරෙනුත් පාරට යාබද දොල පාරකින් දෙකට බෙදී තිබේ.

එහා පැත්තෙහි පිහිටා ඇත්තේ දේවාල සංකීර්ණයක් නිසා මේ බෙදීම බරපතළ බෙදීමක් ලෙසද නොපෙනේ. මෙහා පැත්තේ විද්‍යානිකේත පිරිවෙණ, චෛත්‍යය සහ බුදුගෙය ඉදිකර තිබේ.

දෝන ඉසබෙලා කොර්නේලියා, බලන්නම ලස්සන ලමිස්සියක බවට පත්වූයේ බලන් ඉන්දැද්දීමය. තව දුරටත් ඇගේ රූසිරිය සඟවාගන්නට බැරිවූ තැන කරතොට හාමුදුරුවන්ගෙන් ශිල්ප හැදෑරීම නතර කරන්නට සිදුවිය එබැවින් ඇය ආපසු ගෙදරට කොටුවූවාය.

එහෙත් දකින දකින දේවල් ගැන විසිතුරු පද්‍ය නිර්මාණ බිහිකළ මේ යුවතිය ඉක්මනින්ම විවාහකරදිය යුතු බව ඇගේ පියා ප‍්‍රැන්සිස්කු තීරණය කළේය.
ඔහු තම බිරිඳ සමගත් කතාකර දුවට හොඳ තැනකින් පෙළවහක් කරදෙන්නට සැලසුම් කළේය.

”අපේ තල්පෙ මුහන්දිරම් නම් ඉන්නවා. මිනිහා තාම බැඳලත් නැහැ. අනික මිනිහා හැඩකාරයා. මට හිතයි නෝනෙ අපේ කෙල්ලව මුහන්දිරම්ට හදිගස්සන්න.” ප‍්‍රැන්සිස්කු බිරිඳ සමග කීවේය.

”මුහන්දිරම් කෙනෙක් නම් නරක නෑ තමයි, එයා අපේ කෙල්ලට කැමති වෙයිද අනේ’’

”මොකදෑ නැතුව අපේ කෙල්ල වගේ සුන්දරියක් මේ අහල ගම් හතේවත් ඉන්නවද නෝනෙ.” ප‍්‍රැන්සිස්කු කීවේ ප‍්‍රීතියෙන් සිනාසෙමිනි.

ඇත්තටම කොර්නේලියා තරම් හැඩකාර කෙල්ලක් අහල ගම් හතේම සිටියේ නැත. කබාකුරුත්තාවත් කකුල් දෙකටම දිග සායත් ඇන්දාම පසුව ඇගෙන් පෙනුණේ අපූරු ලස්සනකි.

”මම හෙට අනිද්දාම මුහන්දිරම්ට මගේ යෝජනාව ඉදිරිපත් කරන්නම් කො.”

ප‍්‍රැන්සිස්කු සේනාරත්න තම නිවෙසින් නික්ම ගියේ බිරිඳට එසේ පවසමිනි.

ඉනික්බිතිව තල්පේ මුහන්දිරම් තම නිවෙසට කැඳවූ ප‍්‍රැන්සිස්කු තම සුන්දර දියණිය මුහන්දිරම්ට හදිගැස්සුවේය.

මේ රූමතිය දුටුවිට මුහන්දිරම්ට සිතුණේ ඒ මොහොතේම තම බංගලාවට ඇය කැඳවාගෙන යන්නටය.

මේ කැමැත්ත නිසාම විවාහයේ කටයුතු ඉක්මනින්ම සිදුවිය. ඒ සමඟම ඉසබෙලා කොරනේලියා ගාල්ලේ තල්පේ පිහිටි මුහන්දිරම් වල්ව්වට කැඳවාගෙන යනු ලැබිණි. ඒ විවාහ මංගල්ලයද ඒ කාලයේ හැටියට සුපිරි උත්සවයක් විය. මුහන්දිරම් කෙනෙකුගේ මනාලිය මෙන්ම කහවත්ත තෝම්බුවේ මුලාදෑනිගේ දියණිය වීම වැනි කාරණා නිසා මේ මංගල්ලය අලංකාර උත්සවයක් ලෙස කිරීමේ කිසිම ගැටලූවක් නොවීය.

ඉතින් තල්පේ මුහන්දිරම් වලව්වට ගිය කොර්නේලියා පිළිබඳ තොරතුරු හොයන්නට අපි තල්පේට ගියෙමු. ගාල්ල වෑතර පාරේ තල්පේ හන්දියෙන් හැරුණ අපි මගදිගටම කරුණු විපරම් කළෙමු. මුහන්දිරම් වලව්ව පිහිටියේ කොහේදැයි ඇසුවත් කිසිවෙක් පරණ වලව්වක් මේ ප‍්‍රදේශයේ තිබෙන බවක්වත් තිබුණු බවක්වත් දැනසිටියේ නැත.

ඉස්කෝලෙ හාමුදුරුවො හම්බවුණානම් මහත්තයලට වැදගත් තොරතුරු ටිකක් දැනගන්න තිබුණ.

එක්තරා කඩයක සිටි මහල්ලෙක් පැවසුවේය.

අපි ඉස්කෝලෙ හාමුදුරුවන් සොයාගෙන තල්පේ පන්සලට ගියෙමු.

ඉස්කෝලේ හාමුදුරුවෝ යන අන්වර්ථ නාමයෙන් හඳුන්වන්නේ සිටිනාමලූවේ සීලවංශ හාමුදුරුවන්ය. වෘත්තියෙන් පාසල් ගුරුවරයකු වන උන්වහන්සේ ශ්‍රී ලංකා ගුවන්විදුලි සංස්ථාවේ රුහුණු සේවයට සම්බන්ධව විවිධ වැඩ සටහන්ද ඉදිරිපත් කරති. මේ නිසා ගජමන් නෝනා පිළිබඳව උන්වහන්සේ සතුව ඇති තොරතුරු ප‍්‍රමාණයද අතිමහත්ය.

”මමත් තල්පෙ මුහන්දිරම්ගෙ තොරතුරු හෙව්ව මහත්තයො ඒත් කිසිම තොරතුරක් හොයාගන්න බැරිවුණා. මුහන්දිරම් වලව්ව තිබුණෙ කෙහෙද කියන එකවත් මේ ප‍්‍රදේශයේ කිසිම කෙනෙක් දන්නේ නෑ. පරණ වලව්වක නටබුන්වත් මේ හරියෙ කොහෙවත්ම නෑ.”

සීලවංශ හාමුදුරුවෝ අවධාරණය කළහ.

”මුහන්දිරම්ගෙ නෑදෑයෝ කවුරුවකුත් දැන් නැද්ද එකකොට”

මම තවදුරටත් හාමුදුරුවන්ගෙන් ඇසුවෙමි.

ගජමන් නෝනාගේ නෑදෑයෙක්වත් ඉන්නවානම් ගජමන් නෝනා ගැනත් තල්පේ මුහන්දිරම් ගැනත් මොනවා හෝ දැනගත හැකි නිසාය.
”නෑ එහෙම කවුරුවකුත් ඉතුරුවෙලා නෑ”

අපට සිදුව ඇත්තේ හිස් අතින් ආපසු හැරෙන්නටය.

ගජමන් නෝනා අකුරු ඉගෙනගත්ත කොරතොට හාමුදුරුවන්ගෙ ගුරු හාමුදුරුවන්ගේ චිත‍්‍රයක් නම් පෙන්නන්න පුළුවන්. මොකද ඒ හාමුදුරුවො තමයි මේ ප‍්‍රදේශයේ පන්සල් වල පුරෝගාමී හාමුදුරුවෝ. උන්වහන්සේ යළි කීහ.

අපි පොඩි හාමුදුරුවන්ගේ පිටුපසින් ධර්ම ශාලාවට ගියෙමු. සිටිනාමලූවේ ධම්මජෝති හාමුදුරුවන්ගේ ඡුායාරූපය උන්වහන්සේ අපට පෙන්වූහ.

”ඔය පත්තායමේ ලේකම් ඉගෙන ගෙන තියෙන්නෙත් මේ ධම්මජෝති හාමුදුරුවන්ගෙන්.”

තල්පෙන් නික්මුණු අපි ඊළඟට ගියේ දෙනිපිටියටය. දෙනිපිටියේ නුගරුක නම් වන කාව්‍යය මාතර සාහිත්‍ය වංශයට එකතු වූ අතිශය ප‍්‍රචලිත නිර්මාණයක් වන නිසාය. ගජමන් නෝනා දෙනිපිටියේ නුගරුක වර්ණනා කරන්නට හේතු පාදක වූ සිදුවීම් ඇතොත් එය සොයාගැනීමත් දෙනිපිටියේ නුගරුක ඉතිහාස කතාවත් හෙළිදරව් කරගැනීම අපේ අරමුණ වූ නිසාය.

වැලිගම නගරයේ සිට දෙනිපිටියේ නුගරුක සොයායන්නට අපට පැය භාගයකට කිට්ටු කාලයක් ගතවන්නට ඇත. දෙනිපිටියේ ගංගාතිලක විහාරය පසුකරගෙන ටික දුරක් යන විට හමුවූ පොල් අතු මෝදර ගෙඟ් පාලම අසලදී අපට දෙනිපිටියේ නුගරුක හමුවිය.

පිනවන දුටු දන සෑම
ගඟ ළඟ පිහිටි කදීම
තුරු පෙළ අවට සැදීම
යුත් සෙවනැල්
යන මේ කුලෙවි දිලීම
විහඟුන් මත රැව්දීම
සුළඟින් අත් ලෙළදීම
ඇති හැමකල්
යන එන අය සැපසේම
එහි ඉඳ ගිම් සැනසීම
දස දිග අතු විහිදීම
ගිමෙන විසල්
දෙනිපිටියට ම ඉතාම
වටිනා මහ නුග දූම
බල සකි එහි සිත් සේම
නිලඹර දුල්

මේ අයුරින් සාමාන්‍යයෙන් නිතර හමුනොවන දුලබ විරිතකින් ලියූ මේ කවිය එදා මෙදාතුර අතිශයින්ම ජනප‍්‍රියව පවතින්නේය. ඒ ජනප‍්‍රියත්වය නිසාම දෙනිපිටියේ නුගරුක ද ඓතිහාසික වෘක්ෂයක් බවට පත්ව ඇත්තේය.

එහෙත් අද ඇත්තේ එදා ගජමන් නෝනා කවි ඇසින් දුටු සුවිශාල නුග ගස නොවේ. ඒ ඇසුරින් හැදුණු වෙනත් නුග ගසකි.

කෙසේ හෝ වේවා මේ ඓතිහාසික නුග ගසේ තොරතුරු සොයන්නට අපි මේ ඉම ඇති පන්සල වෙත ගියෙමු.

දෙනිපිටියේ නීග්‍රෝධාරාමය නම්වූ මෙම පන්සලේ විහාරාධිපති, දම්පහළ ධම්මපාල හිමියන්ය. අපි උන්වහන්සේගෙන් දෙනිපිටියේ නුගරුක පිළිබඳව උන්වහන්සේ දන්නා ඓතිහාසික තොරතුරු විමසුවෙමු.

”ගජමන් නෝනා එන කාලෙ දැන් තියෙන ගාලූ පාර තිබුණෙ නැහැ. ඒ කාලෙ පාර තිබිල තියෙන්නෙ ඔය දෙනිපිටියෙ නුගරුක ගාවින්. කරත්තවල යන මිනිස්සු කරත්ත ලිහල ගිමන් නිවාගන්නෙ මෙතනදිලූ. පැත්තකින් ගලාගෙන යන ගෙඟන් නාලා හරකුන්ට වතුර පොවලා මිනිස්සුන් උයා පිහාගෙන කාලා යන්නෙ මෙතන නැවතිලා. මෙතන පිංතාලියකුත් තිබිලා තියෙනවා. පයින් යන මිනිස්සු මේ පිංතාලියෙන් වතුර බීලා මේ නුග ගහේ දෙබලක ටිකක් වෙලා ඉඳගෙන ඉඳලා එහෙම තමයි ගිහින් තියෙන්නෙ.

පස්සෙ කාලෙක මේ නුගගහේ අත්තක් කැඩිලා ගඟ හරහට වැටිල තිබුණලූ. එතකොට මිනිස්සු කරල තියෙන්නෙ ඒ නුග අත්ත පාලමක් විදිහට පාවිච්චි කරපු එකලූ. මේ කිට්ටුවම පැරැුණි අම්බලමකුත් තිබුණා. අර කරත්ත එහෙම නතර කළෙත් ඒ හින්දා. ඒත් අද නම් ඒ පැරණි අම්බලමත් නෑ. නුගගහත් නැහැ.”
ධම්මපාල හාමුදුරුවන් කීවේ කිසියම් සංවේගයකිනි.

”අපේ හාමුදුරුවනේ ගජමන් නෝනා මේ නුගේ බලන්න ඇවිත් තියෙන්නෙ මොකද කියල කවුරුවත් ඔබවහන්සේට කියලා එහෙම නැද්ද?”

මම හාමුදුරුවන්ගේ මුහුණ බලමි.

”ඒක වෙලා තියෙන්නෙ මෙහෙමයි.”

හාමුදුරුවෝ තවත් කතාවකට මුලපිරූහ.

”ඔය ගජමන් නෝනා බැඳල ඉඳල තියෙන්නෙ තල්පෙ මුහන්දිරම් කියල කෙනෙක්නෙ. මේ අයගෙ පළවෙනි දරුවා නැතිවෙලා. ඊට පස්සෙ දරුවා කුසට ආවහම ඒ දරුවා පරෙස්සම් කරගන්න වෙද මහත්තයෙකුගෙන් බේත්හේත් ගන්න ඇවිත් තියෙනවා. ඒ ආපු වෙදමහත්තයා ජයවර්ධන පරම්පරාවෙ කෙනෙක්. බොහොම දක්ෂ ප‍්‍රසිද්ධ වෙද මහත්තයෙක්. ඉතින් ඔය වෙද මහත්තයා තමයි ගජමන් නෝනාව මේ නුගේ ළඟට එක්කගෙන ඇවිත් තියෙන්නෙ.”
හාමුදුරුවෝ මදක් නැවතුනහ.

”මහත්තයලා ආව වගේම මීට අවුරුදු ගණනකට කලින් දයානන්ද ගුණවර්ධන මහත්තයත් ආවා මේ නුගේ ගැන තොරතුරු අහන්න. ඒ වෙලාවෙ මම දයානන්ද මහත්තයාව යැව්වා, ගව්ඩර් කියන ගුරු මහත්මියක් ළඟට. මොකද එයා ළඟ ගජමන් නෝනා ඇඳපු ජාතියෙ කබාකුරුත්තාවක් තිබුණා. ඒ මහත්තයා ගජමන් පුවත නාට්‍යය කරද්දි ඇඳුම් හොයාගත්තෙ ඒ විදිහට.”

”දැන් අර කිව්ව වෙද පරම්පරාවෙ කවුරුත් නැද්ද හාමුදුරුවනේ.”

මම හාමුදුරුවන්ගේ මුහුණ බලමි.

”ඉන්නවා. මෙතන ඉඳල හැතැප්ම කාලක් විතර ගියාම තීන්ත විකුණන කඩයක් තියෙනවා. අන්න එතන තියෙන පාර දිගේ යනකොට මේ වෙදගෙදර තියෙනවා.”

හාමුදුරුවන් දුන් තොරතුරු අනුව ඊළඟට අප ගියේ ජයවර්ධන වෙද මහත්තයාගේ ගෙදරටය. එහෙත් අපි යනවිට වෙදමහත්තයාගේ ගෙදර දොරවල් සියල්ල වසා තිබුණි. අපි හිස් අතින් ආපසු හැරුණෙමු.

ගංගාතිලක විහාරය ඉපැරැුණිම පන්සලක් බැවින් දෙනිපිටියේ නුගරුක බලන්නට ආ අවස්ථාවේදී ගජමන් නෝනා මේ පන්සලටද ගොඩවන්නට ඇත. එබැවින් මේ පන්සල සතුවද ගජමන් නෝනා පිළිබඳ කිසියම් රහස් තොරතුරක් සැඟව තිබෙන්නට බැරි නැත. අපි ඒ රහස් සොයන්නට ගංගාතිලක විහාරයටද ද ගොඩවැදුනෙමු. එහෙත් ගජමන් නෝනා ගැන සුවිශේෂ තොරතුරක් නම් අපට ලැබුණේ නැත. ගජමන් නෝනා මේ පන්සලට ආගිය බව පමණක් ලියාතබන්නට සිදුවන්නේ අන්න ඒ නිසාමය.

දෝන ඉසබෙලා කොර්නේලියා නමැති ගැහැනිය ගජමන් නෝනා ලෙස කවිලොව අභිෂේක ලැබුවේ කෙසේද? සැබැවින්ම මෙය සොයාබැලිය යුත්තකි. බොහෝ ඉපැරැුණි තොරතුරු දන්නා වූද ගාල්ල පදිංචි ස්ථානය කරගත්තාවූද රත්න ශ්‍රී විජේසිංහ කවියාගෙන් මේ ගැන යමක් දැනගත හැකිවනු ඇත. මගේ මෙම නිගමනයට හේතුව රත්න ශ්‍රී ගජමන් නෝනා ගැන ගීතයක්ද රචනා කර තිබීමය.

”මෙහෙමනෙ වෙන්න ඇත්තෙ. ගජමන් නෝනගෙ අයියගෙ නමෙත් තියෙනවනෙ ගජමන් කියන කෑල්ල. එතකොට මෙයාගෙ නමෙත් ඔය කොටස තියෙන්න පුළුවන්. අනිත් එක සාය හැට්ටෙ ඇඳපු ගෑනුන්ට ඒ කාලෙ කිව්වෙ නෝනා කියලනෙ. මෙයාගෙ අම්මටත් කිව්වෙ නෝනා කියලා. ගජමන් නෝනා නම හැදෙන්න ඇත්තෙ ඔය කිව්ව කරුණු දෙක එකතුවෙලා.”

”තව මතයක් තියෙනවා. ආණ්ඩුවෙ පඩි බෙදන නිලධාරියාට කිව්වෙ ගේජ්මන් කියලා. ඔය ගජමන් නෝනාගෙ තාත්තා ප‍්‍රැන්සිස්කුත් පඩි බෙදපු කෙනෙක්නෙ. ඉතින් මිනිස්සු එයාට ගජමන් කියන්න ඇති පහසුවට. ගජමන්ගෙ දුවටත් ගජමන් කෑල්ල ඒ විදිහට ආව වෙන්නත් පුළුවන්.”
කෙසේ හෝ වේවා, කවිකාරිය ඉසබෙලා කොර්නේලියා නොවේ, ගජමන් නෝනාය.

අහල පහළ යමක් ඇති ගෙවල්වල දුවා දරුවන්ට ඉගැන්වීමට ගජමන් නෝනාට ආරාධනා ලැබිණි. ටියුෂන් අධ්‍යාපනය දෙන්නාක් මෙන් ගෙන්ගෙට යමින් පැය දෙක තුන උගන්වන ගජමන් නෝනාට ඒ වෙනුවට ආහාර ද්‍රව්‍ය වලින් හාල් පොල් වලින් මෙන්ම මුදල් වලින්ද කුලී ගෙවනු ලැබිණි. ගජමන් නෝනා ඒවා ගෙනැවිත් තම දරුවන්ගේ කුස ගින්දර නිවුවාය.

මේ අතර යම් යම් උත්සව කවියෙන් වාර්තා කිරීමේ අවස්ථාවද ගජමන්ට ලැබිණි. ප‍්‍රදේශයේ ප‍්‍රභූවරුන්ගේ විවාහ මංගල උත්සව, පන්සල්වල දාන මාන පිංකම් හා උත්සව ආදිය කවියෙන් වර්ණනා කර ගැනීම හා වාර්තා කර ගැනීම උදෙසා ගජමන් නෝනාගේ සේවය ලබා ගැනුණි. මේ සියල්ලට මුදල් අය කළ ගජමන් නෝනා තම ජීවිකාව සලසා ගත්තේ අන්න ඒ මුදලිනි.

මදි පාඩුව තාත්තා ගෙනැවිත් දුන්නේය.

සැපසම්පත් ඇතිව ජීවත් වූ මේ සුන්දර ගැහැනිය අවුරුදු තිස් දෙකක් වෙද්දී වැන්දඹුවකව දුක් විඳින හැටි තාත්තා බලා සිටියේ දුකෙනි. නමුත් මේ දිරිය වන්ත ගැහැනිය ගැන නම් ඔහුගේ සිතේ ඇත්තේ ආඩම්බරයකි. කෙසේ හෝ ඇය ජීවිතය ජයගන්නවා ඇත.

දරුවන් සිව්දෙනෙකුගේ අම්මා කෙනෙක් වන නමුදු ගජමන් නෝනා තවමත් සුරූපීය. දුටු දුටුවන්ගේ සිත්, ප‍්‍රමෝදයෙන් පුරවන තරමටම සුන්දරය. සිහිනිඟ පුළුලූ’කුල ආදී ස්ත‍්‍රී ශරීරාංග වලින් යුක්තය. මේ නිසාම විවිධ උත්සව වාර්තාකරණයට ගියත් විසිතිස් දෙනෙකුගේ ඇල්ම බැල්ම ඇයට ලැබෙන්නේය. විටෙක මෙය වදයක් සේ දැනුනද කවිකාර හිතට එය සතුටක් නොවූයේද නොවේ.

අනෙක් අතට එකල කවිකාරියන් දුර්ලභය. මේ නිසා ගජමන් නෝනා ලවා යම් උත්සවයක් කවියෙන්, වර්ණනා මුඛයෙන් වාර්තා කරවා ගැනීමට ලැබීමද ධනවතුන්ට සම ප‍්‍රභූන්ට ආඩම්බරයට කරුණක් විය. එසේම කාට හෝ ගජමන් නෝනා සමග වචනයක් දෙකක් කතා කරන්නට ලැබීමද සතුටට කරුණකි.
‘‘මම ගජමන් නෝනාව දන්නවා’’ යැයි යමෙක් කීවහොත් ඔහුටද ඒ සමාජයෙන් හොඳ පිළිගැනීමක් ලැබිණි.

අමදෝරු ආරච්චි ඇතුළු පිරිසක් ලන්දේසීන් විසින් ඉන්දියාවට පැහැරගෙන ගියේ ඔය වකවානුවේය. හලාවත සිට මුහුදු මගින් රැුගෙන ගිය මේ පිරිස ටික කලක් කල්කටාවේ රඳවා තබාගනු ලැබීය.

ඊටපසු ඔවුහු මුදාහරින ලද අතර, යාපනයට පැමිණ එතැන් සිට පා ගමනින් රුහුණු පුරයට පැමිණියහ.
මෙන්න මේ සිදුවීම ගජමන් නෝනාගේ කවිසිත කම්පාවට පත් කළේය. ඇය මේ සිදුවීම කවියට නගන ලද්

දේ සංදේශ කාව්‍ය කලාව ආභාෂයට ගනිමිනි.

දුලාවතින් සියපත් දල පෙදා	කොද
නිලා නුවන් බබලන නිල් පුලා	ලෙද
ලොලා සිතින් දැක දැක මේ කලා	සොද
සලාවතින් යන සඳ දුක්මුලා	වැද

මේ කවියෙන් ඇය විස්තර කළේ අමදෝරුගේ බිරිඳ ගේ හදවතේ ඇවිළෙන වේදනාවයි.

මෙම කාව්‍යයේ වැඩියෙන්ම ලියැවී ඇත්තේ ගමන් මාර්ග විස්තරයයි. මේ එහි ලියැවුණු හලාවත පිළිබඳ කතාවය.

මුතු බෙල්ලන් කඩාගෙන සිදුකළ	කිමිඳ
ඒ ඇසිල්ලෙන් රැගෙන ගොඩලනේ හැම	සඳ
ඉඳ ලොල්ලෙන් කරන දෙමළුන් දැක	එසඳ
හිත ලොල්ලෙනි මගට බැස මැතිඳු ගුණ	සඳ

විවිධ විරිත් වලින් රචිත කවි 206 කින් යුතු වූ මේ කාව්‍යය ‘ශෝක මාලය’ ලෙස නම් කර තිබිණි.

ගජමන් නෝනා ලියූ විවිධ පද්‍ය බන්ධන අතර පොතක් ලෙස සැකසුණු එකම නිර්මාණය මේ ශෝක මාලය බවද පැවසේ.
ඇලපාත මුදලි මේ ශෝක මාලය කියෙව්වේය. වරක් නොව දෙතුන්වරක්ම මේ කවි පොත කියවන විට ඔහුගේ හිත නැවත වරක් අර නොලද පේ‍්‍රමයේ උණුසුමින් කිති කැවෙන්නට විය.

පුංචිම පුංචි දවස්වල කරතොට හාමුදුරුවන්ගෙන් ශිල්ප ලබද්දී, තමන් සමග ශිල්ප ලත් ඔමල කොමල ‘කොලූ පැංචා’ මේ ගජමන් නෝනා බව මේ වනවිට ඇලපාත මුදලි දැන සිටියේය.

‘වෙලාවක සපුගොඩ පන්සලට එන්න’

සාමණේර හාමුදුරුවෝ එදා මේ බොළඳ කොලූ පැංචාට ඇරියුම් කළහ.

‘එන්නම්’

එදා ඔහු පොරොන්දුවක් දුන්නේය.

එහෙත් කවදාවත් ‘ඔහු ධම්මරතන සාමණේර හිමියන්ගේ ඉල්ලීම ඉටුකළේ නැත.

මාතර මුහන්දිරම් මියගිය විට, ඔහුගේ ගෙදරට ගිය ඇලපාත මුදලි, වැන්දඹු වූ ගජමන් නෝනා දෙස බැලූවේ පේ‍්‍රමණීය හැඟීමෙනි.

ශෝක මාලය කියවීමෙන් හිත පේ‍්‍රමයෙන් පුරවාගත් ඇලපාත වහාම හසුනක් පිළියෙල කළේය. ඒ හසුන්පත ගජමන් නෝනාට යැවුවේ හිත යට ඉපදුණු සුන්දර බලාපොරොත්තුවක්ද ඇතිවය.

ඇලපාත හිමියෝ වරෙක ගජමන් නෝනාට මේ කවිය ලියා යැවූහ.

කසාගල පන්සල

රතිරුති ළඟ ලියනි අප අසන	පැනැකිය
නැති විය බාල කාලේ සිට රති	කෙලිය
ඇතිවිය දැන් මෙමට සිල් රැකපු	අවදිය
රති සැප විඳින හැටි මට කියව	ළඳලිය

මේ කවිය දුටු ගජමන් නෝනා ඇගේ ඊළඟ හසුන්පතින් ඒ සඳහා පිළිතුරු සැපයුවාය.

වහා තිබූ සළුව උනමින් කර	අහකා
රහා පෙම අමුතු බොජුනකි බුදින	ලකා
පැහා නොව හඬන කොවුලිඳු හැඩ	වලකා
කහා කොටන වැනි ඉඳගෙන මිරිස්	කකා

ඇලපාත හාමුදුරුවෝ තම සිවුර හැරලූයේ මේ පිළිතුරෙන් ලද උද්දාමය නිසා බව සමහරෙක් විශ්වාස කරති.කෙසේ වෙතත් සිවුරු හැරලූ ඇලපාත ධම්මරතන හිමි ක‍්‍රිස්තියානිය වැළඳගෙන ඕලන්ද ආණ්ඩුවෙන් තාන්න මාන්නද ලබා ගත්තේය. සිවුර හැරලූ විගසම අලූත්කූරු කෝරලයේ දිසාපති තනතුර ලබාගත්තේය.

ඉනික්බිති ඇලපාත මුදලි ලෙස ප‍්‍රසිද්ධ වූ ඔහු කෙසේ හෝ ගජමන් නෝනා සමග අනියම් සම්බන්ධයක් පවත්වාගන්නට අර ඇන්දේය.
මුලින් මුලින් ඊට ඉඩ නොදුන්නත් ගජමන් නෝනා හා ඇලපාත මුදලි අතර කවි හසුන් නම් අනන්තවත් හුවමාරුවිය.

කවියට අසීමිතව ආදරය කළ බැවින්දෝ ඕ තමාට ලැබෙන හැම කවි හසුනකටම කල් නොඉක්මවාම පිළිතුරු නම් යැවුවාය.

ඔය අතර කාලයේ ගජමන් නෝනා සම්බන්ධයෙන් විවිධ කටකතාද පැතිර ගියේය. කටකතා පැතිරයාම එදත් අදත් අතර කිසිම වෙනසක් නොතිබුණ සිදුවීමකි.

මේ කටකතා වලට එක් හේතුවක් වූයේ ගජමන් නෝනාගේම සමකාලීන කිවිඳියන්ය. රංචාගොඩ ළමයා යනු ගජමන්ට එරෙහි වූ තවත් එක් කවිකාරියකි. ගජමන් නෝනාගේ ලස්සන, ඇගේ වත්පොහොසත්කම ආදී දේවල් ගැන සේම ඇයට තිබුණු අසීමිත පිරිමි ආකර්ෂනය ආදිය රංචාගොඩ ළමයාගේ ඊර්ෂියාවට හේතු වන්නට ඇත.

කෙසේ හෝ වේවා ගජමන් නෝනා කරතොට ධම්මාරාම හාමුදුරුවන් සමග අනියම් සම්බන්ධයක් පවත්වන බවට අවලාදය මුසු කටකතාවක් මෙකල පැතිර ගියේය. මේ කටකතාවට එක් හේතුවක් වූයේ ගජමන් නෝනා ගේ නිවෙසත්, වේරගම්පිට පන්සලත් එක කිට්ටුවම පිහිටා තිබීමද විය හැකිය.
මේ කටකතාව ඇලපාත මුදලිටද දැන ගන්නට ලැබිණි. ඔහු වහාම ඒ ගැන ලියූ හසුනක් ගජමන් නෝනාට යැව්වේය. එහි ඔහු නැගූ චෝදනාව මෙන්න.

මුනි පුතුන් ඇසුර ලත් සිප් දත්	රුවැතී
ගජ නමින් අඟනක් ළඟම ඇති	ඇති
සැම කතුන්ගේම සිරිතකටම	පැවැති
හොර හිමිත් ගැනුම අත නෑරම	කරතී

මෙම චෝදනාව ගජමන් නෝනාගේ හිත රිදෙව්වේය. ඇය මහත් ඇල්මෙන් ශිල්ප ලත් ගුරු හාමුදුරුවන් සම්බන්ධයෙන් මෙවැනි චෝදනාවක් නැගීම ඇගේ හිත කම්පාවට පත්කරන්නට ඇති නිසාය.

ගජමන් නෝනා වහාම පිළිතුරු යැව්වාය.

සෑයේ වැදිලා විත් මෙවුරු	කිවිවරු
මීයේ වදය සේ රසකර කියති	බොරු
ලීයේ ඇදය හරිතත් හුයෙලා	අඟුරු
වෑයේ ඇදය බැලූවම ඊටත්	නැඹුරු

ප‍්‍රැන්සිස්කු එදා ගෙදර ආවේ ඉක්මනින් පිටව යන්නටය.

‘ඇයි සීයා අද කලබලෙන්?’
පුංචි මුනුබුරෝ ටික සීයා වටකර ගත්හ.

පිය සෙනෙහස අහිමි මේ පොඩි එවුන් පිය සෙනෙහස ලද්දේ සීයාගෙනි.

සීයා පුංචිම මුනුබුරන් දෙන්නා මාරුවෙන් මාරුවට වඩා ගත්තේය. මේ වනවිට ලොකු මුනුබුරා අවුරුදු පහළොවක පමණ ගැටවරයෙකි. ඊට බාල මුනුබුරා අවුරුදු දොළහට කිට්ටු කර තිබුණි. මේ නිසා මොවුන් දෙදෙනා වඩා ගැනීමට බැරිය. එහෙත් ඔවුන්ද පැමිණ සීයා වැළඳ ගත්තේ මහත් වූ සෙනෙහසකිනි.
‘මං දැන් රාජකාරියකට යනවා පුතේ. අද හෙට එන්න බැරිවෙයි.’
සීයා කීවේය.

‘කොහෙද තාත්තා යන්නේ’

ඒ ඇසුණු ගජමන් නෝනා ඇසුවාය.

‘කසාගලට යන්න ඕනෑ’

කසාගල යනු රන්න වීරකැටිය අතර පිිහිටි ස්ථානයකි. ගල් පර්වතයක් මත තැනූ කුඩා චෛත්‍යයකින්ද යුත් කසාගල පන්සල සිංහල රජ කාලය සමග බොහෝ සබඳකම් පැවැති සුන්දර පින්බර ස්ථානයකි.

අනුරාධපුර යුගයේදී අක්කර දහසක නින්දගමක් පැවැරුණු මේ පුණ්‍ය ස්ථානයට කසාගල යන නම ලැබීමද රසවත් කතාවකි.

භික්ෂූන් සිය ගණනකගේ සිවුරු වේළා ගැනීම සඳහා මේ ගලමත එලා තිබුණු බැවින් ඒ ගලට කසාගල යන නම ලැබී තිබුණි.

දෙවන පෑතිස් රජ සමයේ දෙතිස් ඵල රුහ බෝධියක් රෝපණය කරන ලද මේ පින්බිමේ වරෙක දළදා හිමියන්වද වඩා හිඳුවා ඇති බව කියති.
කාවන්තිස්ස, පළමුවැනි දප්පුල, පළමුවැනි විජයබාහු, කීර්ති ශ්‍රී රාජසිංහ යන රජවරුන්ගේ වන්දනාවට ද ලක්වූ කසාගල විහාරයට ප‍්‍රැන්සිස්කු යනවිට වරුවක් හමාරක් ගතවී තිබුණි.

ඔහු පන්සලට යන විට පන්සලේ පුංචි කලබලයක් සිදුවෙමින් තිබිණි. ඒ අලියකු සහ ඇත්ගොවුවකු අතරය.

ප‍්‍රැන්සිස්කු මේ කලබලය මොකක්දැයි බලන්නට ගියේය. ඔහුට දුරදීම ඇතා හඳුනාගන්නට හැකිවිය.

‘ඉලංගකෝන් මුදලිගේ ඇතා’ ප‍්‍රැන්සිස්කු තමන්ටම කියාගත්තේය.

සෙංකඩගල රාජධානියෙන් මුදලිට තෑගි ලැබුණු ඔය ඇතා හරිම කීකරු සතා. හැබැයි බොහොම තේජස්. ඒ හින්දම තරමක් චණ්ඩයි...

ගජමන් නෝනා ඩොයිලි හමුව..
(අන්තර්ජාලයේ එන චිත‍්‍රයකි)

පත්තායමේ ලේකම් තමන් සමඟ කියන කතාව ප‍්‍රැන්සිස්කුට සිහිපත් විය.

පත්තායමේ ලේකම් යනු ඉලංගකෝන් මුදලිගේ ලියන අප්පු වන බැවින් ඔහු මේ ඇතා හඳුනන්නේ බොහෝ කලෙක සිටය.

‘මොකක්ද මේ වෙන්නේ?’ ප‍්‍රැන්සිස්කු රැස්ව සිටි පිරිසගෙන් විමසුවේය.

‘අද උදේ ඉඳලා ඔය ඇතා කොට ඇද්දා. දැන් වැඩ ඉවර වෙලා නාවන්න යන ගමන. ඒත් ඇත්ගොව්වා, ආයෙමත් අතර මගදී තව කඳක් අදින්න කියලා ඇතාට කිව්වා. ඒකට කෙන්ති ගිහින් ඉන්නේ.’

‘ඇත්තනේ ඌ තිරිසනා කියලා ඔහොමත් වැඩ ගන්නවද ඌටත් බඩගිනි ඇති, පිපාසේ ඇති...’

එවිටම ඇත්ගොව්වා ඇතාට කෑ ගැසුවේය. හෙන්ඩුව ඇදගත් ඔහු ඇතාගේ පස්ස පැත්තට ඉන් ඇන්නේය.

ඇතා වියරු වැටුණි.

වේගයෙන් සිරුර එහා මෙහා සෙලවූ ඌ පිට මත ඉඳගෙන විධාන දෙන ඇත්ගොව්වා බිම දැම්මේය.

ඊළඟ මෙහොතේ සිදුවන්නේ මේ ඇත්ගොව්වා මරා දැමීම විය හැකිය. ප‍්‍රැන්සිස්කු වහා ඇතා ළඟට දිවගියේ කෑගසමිනි. මේ මොහොතේ ඇතා සිටියේ හොඳටම කෝපයට පත්වය. ගොව්වා බිම වැටී සිටියේය. තමා ඉදිරියට කෑ ගසමින් එන මිනිසා වෙත පැමිණි ඇතා සිය හොඬවැලෙන් ඔහුටද පහරක් ගැසුවේය.

ඒ පහරවැදී පසෙකට විසිවුණු ප‍්‍රැන්සිස්කු බිම පත බෑවුණේ කපා දැමූ කෙසෙල් කඳක් පරිද්දෙනි. එදෙස බලා සිටි ඇතා ඊළඟ මොහොතේ ඇත්ගොව්වා දෙස බැලූවේය. ඔහුද නිදිය.

අවට රැස්ව සිටි පිරිස හිස් හැරුණු අතේ දිවගියහ. වෙනත් ඇත් ගොව්වෙක් පැමිණ උපක‍්‍රමශීලී ලෙස ඇතාට කිට්ටුකර, ඌ මෙල්ල කර ගැනීමට සෑහෙන වේලාවක් ගියේය. පසුව ප‍්‍රැන්සිස්කුත් ඇත්ගොව්වාත් වෙද මහත්තයකු කරා රැුගෙන ගිය නමුදු හොඬවැලෙන් පහර කා සිටි ප‍්‍රැන්සිස්කු හිටියේ අසාධ්‍ය තත්ත්වයේය.

ඔහුගේ සිරුර තැලී තිබිණි. අභන්තර අවයව රාශියකටද හානි සිදුවීම නිසා ඔහුගේ මරණය අපේක්ෂා කළ යුතු බව වෙද මහතාගේ තීරණය විය.
මේ ඛේදනීය පුවත ගජමන් නෝනා වෙත ලැබෙන විට ඇය සිටියේ කිට්ටුව පාත පන්සලක පැවැති කවි මඩුවකට යන්නට සූදානමිනි. මෙකල කවි මඩු යනු අතිශය ජනප‍්‍රිය කලා අංගයකි.

ගජමන් නෝනා, රංචාගොඩ ළමයා, රංචාගොඩ බාල මහත්තයා, මැද්දේගොඩ උපාසක අම්මා, වයි සිංෙක්‍දා්, ඩිංගිරි මුදලාලි, පුයි අප්පු මෙකළ කවි මඩුවල නිතර කවි කී ජනප‍්‍රිය කවීහූය.

නමුත් ගජමන් නෝනාගේ නෝනා ඇඳුමත්, වියැකී නොගිය රූ සිරියත්, ශෘංගාරය මුසු මියුරු කවිත් නිසා අන් කිවිඳියන්ට වඩා ඇය කැපී පෙනුණි.
මේ නිසාම රංචාගොඩ ළමයා වැනි ඇතැම් කිවිඳියක සිටියේ ගජමන් නෝනා සමඟ ඊර්ෂියාවෙනි. ඇගේ සැමියන් මිය යෑම මෙන්ම ඇලපාත මුදලි හා පැවැති රහස් පෙම අවියක් කරගෙන ඇයට අපහාස කිරීම රංචාගොඩ ළමයාගේ පුරුද්දක් විය. එහෙත් ගජමන් නෝනාද පසු බැස්සේ නැත. හොඳ කුණුහුරුප උත්තර ඇගෙන්ද ලැබිණි.

තාත්තාට ඇතා ගැසූ පුවත කණ වැකුණු විගසම ගජමන් නෝනා කසාගල යන්නට පිටත් වූවාය. තාත්තා යනු ගජමන් නෝනා මෙලොව වඩාත්ම ආදරය කළ පුද්ගලයාය. ඔහු නැත්නම් ගජමන් නෝනාත් ඇගේ දරු පැටවුනුත් මෙලහකටත් හිඟාකන්නට පටන් ගෙනය.

තාත්තාට කරදරයක් වෙයිද? ගජමන් නෝනා තමාගෙන්ම අසාගත්තාය.

‘තාත්තේ’
ප‍්‍රැන්සිස්කු සේනාරත්න ගිලන් ඇඳ මත හොවා තිබෙනු දුටුවිට ගජමන් නෝනාට ඇඬිනි. ඇය තම පියාගේ හිස සිපගත්තාය. යාන්තමට උණුසුමක් ඉතුරු වී තිබුණද හිසෙන් ඇයට දැනුණේ සීතලකි.

‘මොකද මගේ තාත්තාට?’

ඇය ඇසුවේ වෙද මහතාගෙනි.

‘තව දෙතුන් පැයකට වැඩිය ජීවත්වෙන එකක් නෑ නෝනේ.’

ඒ වචන තම සවන වැටෙන විට දෑස නිලංකාර වන සෙයක් ගජමන් නෝනාට දැනුණි. ඇය අසල තිබූ පුටුවක් අල්ලාගත්තේ අත්වැලක් අවශ්‍යම නිසාය.
එහෙත් ඇයට තිබුණු සවිමත්ම අත්වැල දැන් බිඳී ගොසිනි.

ප‍්‍රැන්සිස්කු සේනාරත්නගේ අවසාන හුස්මපොද වාතලයට නික්ම ගියේ ඇතාගේ පහර කා දෙදිනකට පසුවය. ගජමන් නෝනාගේ හැඬුම් හඬ ද ඒ සමඟම වාතලයට එකතු විය.

මා පිය පියා මැරවෙද රුදු මත	වරන
මා පිය පියා කරවා ඒ රුදු	කමින
මා පිය පියා නිදි නොව දළ සෝ	දුකින
මා පිය පියා සිහිකර හඬමි	හැමදින

පිය සිය නගමිනේ යනෙනා තුරු	යෙහෙන
පිය සිය නගමිනේ සිය උකුලට	රැගෙන
පිය සිය නගමිනේ වැඩු අප සුත	පෙමින
පිය සිය රුදුවනේ මරුමුව වැද	ගිලූන

ගජමන් නෝනා තම පියා වෙනුවෙන් කවි ලීවාය.

‘ගජමන් ආරච්චිට ඇතෙක් ගහලා’

‘ගජමන් නෝනාගේ තාත්තාට ඇතෙක් ගහලා’

මේ පුවත ගිරුවාපත්තුව පුරා පමණක් නොව අහල පහළ කෝරළවලටද පැතිර ගියේය.

‘මොනවා.. ගජමන් නෝනාගේ තාත්තා’

මේ පුවත ඇසුණු හැටියේම ඇලපාත මුදලි ඇසුවේය.

ඒ මොහොතේම ඔහු වේරගම්පිට යන්නට සූදානම් වූයේය.

‘මේ කොහේ යන්නද?’

ඇලපාත මුදලිගේ බිරිඳ දෙල්ගොඩ මැණිකේ ඇසුවාය.

‘මගේ ආරච්චි කෙනෙකුට ඇතෙක් ගහලාලූ මැණිකේ. මම බලලා එන්නම්.’

ඇලපාත මුදලි කීවේය. ඇතා පහරදී ඇත්තේ ගජමන් නෝනාගේ තාත්තාට බව ඔහු ඇගෙන් ඒ මොහොතේ වසන් කළේය.

ඇලපාත මුදලි වේරගම්පිටට යනවිට ප‍්‍රැන්සිස්කුගේ මිනිය එහි ගෙනවිත් තිබිණි. සුදුපාට කබා කුරුත්තාවක් ඇඳගෙන සිටි ගජමන් නෝනාගේ ඇස්වල තිබුණේ මළානික පෙනුමකි. ඇගේ නීල උත්පල දෙනෙත, රත්පියුම්වල පැහැය ගෙන තිබුණේ අඬා වැලපුණු නිසා බව ඇලපාතගේ කවිකාර සිතට තේරුම් ගියේය. ගජමන් නෝනාගේ දෑතම අල්ලාගෙන ඇගේ සෝබර මුහුණ දෙස බලා සිටි ඇලපාත මුදලි ඇගේ දෑත අතහැරියේ දුකිනි.

සතළිස් හය හැවිරිදි වූවත් ගජමන් නෝනාගේ රූ සිරිය තවමත් එබඳුමය. තරමක් දුරින් සිට ඇගේ රූසිරිය නරඹමින් සිටි මුදලි යන්නට කලින් මුදල් නෝට්ටුවක් ගෙන ගජමන්ගේ අතේ තැබුවේය.

‘මං ආයේ හෙට දිහාවට එන්නම්’ ඔහු කීවේය.

ප‍්‍රැන්සිස්කු සේනාරත්ගේ දේහයට පාංශුකූලය දෙන්නට කරතොට ධම්මාරාම හාමුදුරුවෝද වැඩම කළහ. ඒ හිමියෝ ප‍්‍රැන්සිස්කු ගැන කතා කළේ රටට ඉතාම වැඩදායි සේවයක් කළ මිනිසෙකු ලෙසිනි. ගජමන් නෝනා වැනි කිවිඳියක මෙලොවට බිහිකිරීම පමණක් වුවද ප‍්‍රැන්සිස්කු රටෙන් පිදුම් ලබන්නට සෑහෙන බව කරතොට හාමුුදුරුවෝ ප‍්‍රකාශ කළහ.

ගජමන් නෝනා දැන් මෙලොව හුදෙකලාය. තල්පේ ආරච්චිත්, උයන්වත්තේ මුහුන්දිරමුත් තමා හැරගිය පසුව ඇයට රැුකවරණයට ඉතුරු වූයේ තම තාත්තා පමණි.

දැන් ඒ තාත්තාත් නැත.

දැන් ඇයට ඇති එකම සරණ කවියම පමණි.

ඇලපාත මුදලිගේත්, තවත් මිනිසුන්ගේත් ඇල්ම බැල්ම ඇතත් ඒ පේ‍්‍රම කතා සියල්ලම සඳ එළිය වැන්න. ඇයට අවශ්‍ය හිරු එළියකි.

චන්ද්‍ර සූරියා වැනි එළඳගේ	උවන
ඉන්ද්‍රනීල දෙක වැනි ළමැද එන	තන
අන්ධකාරයට ඇවිලූන පාන	මෙන
කින්ද තනි යහනේ නිිදියන්නේ	නෝන

ඇලපාත මුදලි ගජමන් නෝනාගෙන් අසා එවුවේය.
ඒ කවිය දුටුවිට ගජමන් නෝනාට කට වසාගෙන සිටින්නට නොහැකි විය. ඇය වහා කවියකින් ඔහුට පිළිතුරු යැව්වාය.

බැන්ද මගේ හිමි පරලොව ගිය	බැවින
නින්ද අපට පුරුදුය තනියම	යහන
වින්ද රති සැපත මට මතක	නැතිවුණ
කින්ද තමුසේට විමසන්න	කාරණ

ගජමන් නෝනාට ආර්ථික අහේනිය තදට දැනුණි. ඉඳහිටක කවිමඩුවකට ගියත් ඉන් ලැබෙන මුදල දෙතුන් දොහකට වඩා සෑහුනේ නැත.

‘අම්මේ බඩගිනියි’

පුංචිම එව්වෝ කීහ.

‘අම්මේ මේ බත් රහ නැහැ’

ලොකු එවුවෝ කීහ..

කරන්නේ මොකක්්දැයි ගජමන් නෝනා දහඅතේ කල්පනා කළාය.

‘ඩොයිලි මහත්තයාටවත් ලියලා බලන්න ඕනෑ’ අවසානයේ ගජමන් නෝනා කල්පනා කළාය.

‘තාත්තා මළෙත් ඇතෙක් ගහලනේ. සමහර විට වන්දි මුදලක්වත් ඉල්ලගන්න පුළුවන් වෙයි.’

ශ්‍රීමත් ජෝන් ඩොයිලි වූ කලී සිංහල ද පාලි ද හොඳට උගත් නිලධාරියෙකි. ඔහු එම භාෂාවන් ප‍්‍රගුණකළේ කරතොට ධම්මාරාම හාමුදුරුවන් ගෙනි. මේ නිසාම ඔහු කවියටද මනාපය. ගජමන් නෝනා ඩොයිලිට කවියෙන් තම දුක ලියා යැව්වේ අන්න ඒ නිසාය.

සඳ මෙන් කවා ඇති දැඩි කළ	පැටවුන්ට
අද දින පමණ නැත වත උන්	රැකගන්ට
සොඳ ගුණ ජෝන් ඩොයිල් මේ දිසා	මැතිදුන්ට
වැඳගෙන දුක කියමි පිහිටක්	ලැබගන්ට

සිත් ලෙසින් දයා බැඳ වැඩු පිය	සුගන
බත් දියන් කියා ඉඳ අඬති තැන	තැන
පත් මේ නොයා මේ තද ඇති	ලෙසින
අත් මුදුන් තියා දුක කියමි	වැඳගෙන

මෙබඳු කවි පෙලකින් සමන්විත වූ මෙම ලියුම ජෝන් ඩොයිලි කියවූයේ සතුටෙනි. ඔහුද සිංහල කාව්‍ය රසිකයකු වීම ඊට හේතුවයි.
ලියුම ලද විලස ඔහු ගජමන් නෝනා තමා හමුවට කැඳවීය.

නියම කරගත් දිනයක මාතර දිසාපති කාර්යාලයේදී ගජමන් නෝනාට ඩොයිලි මුණ ගැසිණි. රුහුණේ ජනපි‍්‍රයම කවිකාරිය තමා ඉදිරියට පැමිණීම ජෝන් ඩොයිලිට ආඩම්බරයට කරුණක් විය.

ඇගේ දුක සැප අසා දැනගත් ඩොයිලි අතිශයින්ම කම්පාවට පත්විය.

අන්තිමේදී ඔහු කළේ ගජමන් නෝනාට නින්දගමක් පවරා දීමය. එම නින්දගම පසු කලෙක නෝනාගම නමින් ප‍්‍රසිද්ධියට පත්විය.

අපි අන්න ඒ නින්දගමට ගියේ ගජමන් නෝනා ගැන තොරතුරු සොයා දැන ගන්නටය.

නෝනාගම හන්දියේ පදිංචිව සිටින විශ‍්‍රාමික ගුරුවරයෙකු වන ගුණදාස මහතා අපට ඒ ගමනේදී මුණ ගැසිණි. නෝනාගමේම උපන් ඔහු ගජමන් නෝනාත් නින්දගමත් ගැන ඔහු දන්නා දේවල් පැවසුවේය.

ගජමන් නෝනාට මේ නෝනාගම පවරලා දුන්නාට මොකද එයා මෙහේ පදිංචි වෙලා හිටිය බවට ඒ තරම් සාක්ෂියක් නම් නැහැ. ඒ වගේම ගජමන් නෝනාගේ පුත්තු මේ නින්දගමේ සිටිය බවට කිසිම සඳහනක් නැහැ.

එසේ වුවත් නෝනාගම ගජමන් නෝනාට නින්දගමක් සේ පවරා දුන්නේ ඇගේ ජීවිතයේ දුෂ්කර සමයේදීය. එසේ හෙයින් ගජමන් නෝනා මේ නින්දගමට නොපැමිණීමට කිිසිම හේතුවක් නැත. සමහරෙකු කියන්නේ ගජමන් නෝනා නෝනාගම වැව අසළ ජීවත්ව සිටි බවයි. ඇය සිය ජල අවශ්‍යතා සපුරාගත්තේද නෝනාගම වැවෙන් බවද කියති.

ගජමන් නෝනාගේ දීර්ඝ ජීවන ප‍්‍රවෘත්තිය සටහන් කළ ලියුමක් ගිය සතියේ මට ලැබිණි. දෙනිපිටියේ ධම්මික එස්. ජයවර්ධන විසින් එවනු ලැබූ ඒ ලිපියට අනුව. මේ කාල වකවානුව වන විට ගජමන් නෝනාගේ ලොකු පුතුන් දෙදෙනා සිටියේ කොල්ලූපිටියේය. ඒ වනවිටත් ගජමන් නෝනාගේ පියාත් මවත් පදිංචිව සිටියේ කොල්ලූපිටියේය. ඔවුහු ගජමන් නෝනාගේ වැඩිමල් පුතුන් වූ ගිරිගෝරිස් ද ජුවානිස්ද තම භාරයට ගෙන ඔවුන්ට හොඳින් අධ්‍යාපනය ලබාදුන්හ.

ගජමන් නෝනාගේ තෙවැනි පුතා වූ දාවිත් සිය කැමැත්තෙන්ම පැවිදි බිමට ඇතුළත්ව සිටියේය. මේ නිසා මේ වෙද්දී ගජමන් නෝනා සමඟ ජීවත් වූයේ ඇගේ බාලම පුතා වූ දියෙස් හෙවත් බබා ගුරුන්නාන්සේ පමණි. ඔහුද හොඳට සිංහල බස උගත් කවි හා සිංදු රචනයේ දක්ෂයකුව සිටි බව ජයවර්ධන පවසයි. ගජමන් නෝනා කලක් බෙහෙත් ගත් ජයවර්ධන වෙද පරම්පරාවේ වත්මන් පුරුකක් වන ඞී.එස්. ජයවර්ධන මහතාටත් තවත් ලියුම් එවූ, දුරකථනයෙන් බොහෝ තොරතුරු ලබාදුන් ඉරිදා ලංකාදීප පාඨකයන්ටත් ස්තුතිය පුද කිරීමටද අමතක නොකරමු.