‘එයා කළුද ? සුදුද නැත්නම් තලඑළලුද ?’ අපි බොහෝ දෙනකුගේ පැහැය දැන ගැනීම පිණිස එසේ අසමු. එහෙත් එයා ඔය තුනටම නෑ කියා කිසිවකු ඊට පිළිතුරු දුනහොත් ඔබ ඉන් මඳක් විමතියට පත්වනු නියතය.
ලොව විවිධ ප්‍රදේශවල ජීවත් වන පුද්ගලයන් බාහිර වශයෙන් එකිනෙකාට සම්පූර්ණයෙන්ම වෙනස් වන ප්‍රධාන ලක්ෂණය සමේ පැහැයයි. සාමාන්‍යයෙන් ලොව පුරා ජීවත්වන පුද්ගලයන්ගේ සමේ පැහැය තද දුඹුරු පැහැයේ සිට සුදට හුරු රෝස පැහැය දක්වා වූ වර්ණ පරාසයක විහිදී පවතී. සමේ පැහැය ප්‍රධාන වශයෙන් ජාන සැකැස්ම අනුව තීරණය වන ලක්ෂණයකි. ඊට අමතරව ජීවත් වන පරිසරය අනුව යම්තාක් දුරකට සමේ පැහැය වෙනස්වීමේ සම්භාවිතාවක්ද තිබේ. සමේ පැහැය තීරණය කිරීම සඳහා සෑම පුද්ගලයෙකුගේම සමෙහි මෙලනින් නම් වර්ණකයක් තිබේ. සමේ තිබිය යුතු මෙලනින් ප්‍රමාණය තීරණය වන්නේ උපතේදීය. එනම් එය ජාන සැකැස්ම අනුව උරුම වන ලක්ෂණයකි.
මෙලනින් යනු අඳුරු පැහැති වර්ණකයකි. මෙලනින් නිපදවෙන්නේ මෙලනොසයිට් නම් වූ ෙසෙල විශේෂය තුළය. මෙලනින් නිසා සූර්යා විසින් නිකුත් කරන අහිතකර කිරණ වර්ග මගින් සිරුරට ඇති කරනු ලබන හානිය අවම කරනු ලබයි. සමේ මෙලනින් ප්‍රමාණය වැඩි වීම නිසා අඳුරු පෙනුම වැඩි වන අතර මෙලනින් ප්‍රමාණය අඩු නම් අඳුරු පෙනුම අඩුවේ. සාමාන්‍යයෙන් සමකය ආසන්නයේ වූ රටවල ජීවත්වන පුද්ගලයන්ගේ සමේ පැහැය වැඩි වශයෙන් අඳුරු පෙනුමක් සහිත බවට පිළිගැනීමක් තිබේ. එනම් අප්‍රිකානු වැසියන්, උතුරු දිග ඕස්ට්‍රේලියාවේ ඇබොර්ජින් වැසියන්, මධ්‍යම සහ දකුණු ඉන්දියානු වැසියන්, දකුණු දිග අරාබිකරයේ වැසියන්, දකුණු ඇමෙරිකාවේ උතුරුදිග සහ මධ්‍යම ප්‍රදේශවල වැසියන් ආදිය අඳුරු පැහැති සමක් සහිත වැසියන් ලෙස සැලකිය හැකිය.
සමකයට එපිටින් ධ්‍රැවාසන්නයේ ජීවත්වන වැසියන්ගේ සම සුදු පැහැති බව මේ අනුව පෙනී යයි. එනම් සුදු පැහැති සමක් ඇත්තවුන් ලෙස උතුරු ඇමෙරිකානු වැසියන්, යුරෝපා වැසියන්, උතුරු දිග ආසියානු වැසියන්, දකුණු දිග ඕස්ට්‍රේලියානු වැසියන්, දකුණු ඇමෙරිකාවේ දකුණු දිග ප්‍රදේශයේ වැසියන් ආදිය හැඳින්විය හැකිය. සමකය ආසන්නයේ වැසියන්ට අඳුරු පැහැති සමක් ලැබිමට හේතුව සූර්යයාගේ සිට එන අහිතකර පාරජම්බුල කිරණවල බලපෑම බව පර්යේෂණවලින් ඔප්පුවී තිබේ. එම පාරජම්බුල කිරණ නිසා සමට සිදුවන හානිය වැළැක්වීම සඳහා සම විසින් ඉහත කී මෙලනින් වර්ණකය වැඩි වැඩියෙන් නිපදවනු ලබයි. ඒ නිසා මෙලනින්වල වර්ණය වූ අඳුරු පැහැය, සම මතුපිට තැන්පත් වේ. නමුත් ධ්‍රැවාසන්නයේ ජීවත්වන පුද්ගලයන්ට දැඩි සූර්යාලෝකයෙන් බලපෑමක් එල්ල වන්නේ නැත. මේ නිසා මෙලනින් වර්ණකය මගින් එතරම් කාර්ය භාරයක් ඉටුවීම අවශ්‍ය නොවේ. එහෙයින් ඔවුන්ගේ සමේ මෙලනින් නිපදවෙන්නේ ඉතා අඩු අගයකිනි. ඔවුන්ගේ සම සුදට හුරු පැහැයක් ගැනීමට හේතු වන්නේ එයයි.
සාමාන්‍යයෙන් අප දන්නා ආකාරයට නම් සමේ පවතින්නේ සුදු පැහැයත් දුඹුරු පැහැයත් හැරුණු විට තලෙළු ලෙස හඳුන්වන සුදු සහ දුඹුරු වර්ණයන්ගේ අන්තර් වර්ණය පමණි. නමුත් ලෝකයේ විවිධ රටවල පුද්ගලයන්ගේ සමේ වර්ණයන් අධ්‍යයනය කිරීමේදී සුදු, තළෙළු සහ දුඹුරු පැහැයට අමතරව තවත් වර්ණ රැසක් පිහිටන බව මානව විද්‍යාඥයන්ගේ අදහසයි. ඒ අනුව පේල් නොහොත් අළු පැහැය, රෝසි පේල් නොහොත් රෝස පැහැය, ටෑන් නොහොත් කහ පැහැය, චොලෝ නොහොත් ලා කොළ පැහැය, කළු පැහැය, මුලාටෝ පැහැය ආදී විවිධ වර්ණ පරාසයන් රැසක් මිනිස් සමට ලැබි තිබේ. මුලාටෝ නමින් හඳුන්වන පැහැය යමෙකුට උරුම වන්නේ කළු ජාතික සහ සුදු ජාතික මව්පියන්ගේ සම්මිශ්‍රණයෙනි. මුලාටෝ යනු මේ පැහැය යැයි අර්ථ දැකිවිය නොහැකිය. නමුත් මුලාටෝ පැහැය සඳහා වන හොඳම උදාහරණය ඇමෙරිකානු ජනපති බැරක් ඔබාමාගේ සමේ පැහැයයි. කෙන්යානු ජාතික කළු සමක් උරුම පියෙකුට දාව ඇමෙරිකානු ජාතික සුදු සම ඇති මවකගෙන් උපන් බැරක් ඔබාමාට ඇත්තේ කළුත් නොව සුදුත් නොවන අමුතුම පැහැයකි. ලෝක ප්‍රකට රෙගේ සංගීත නිර්මාතෘ බොබ් මා‍ලේ ද මුලාටෝ පැහැති සමක් ඇත්තෙකි. ඒ ඔහු සුදු ජාතික පියෙකුට දාව කළු ජාතික මවකගෙන් උපන්න නිසාය.
ඔවුන් සුදු ජාතිකයන් අතර සිටින විට කළු පැහැයටත්, කළු ජාතිකයන් අතර සිටින විට සුදු පැහැයටත් පෙනේ. මුලාටෝ පැහය කළු ද නැතිනම් සුදු ද යන්න නිවැරදිව කිය නොහැකිය. නමුත් එය කහ හෝ, රෝස හෝ, අළු හෝ නොවේ. මුලාටෝ වර්ණයේ විශේෂත්වය වන්නේ ද එයයි. මේ නිසා මුලාටෝ වර්ණය සම්පූර්ණයෙන්ම මාපිය උරුමයෙන් ජාන අනුව තීරණය වන වර්ණයක් ලෙස සැලකිය හැකිය. චොලෝ යනු ලතින් ඇමෙරිකානු සහ ඉන්දියානු වැසියන්ගේ පැහැයන්ගේ සම්මිශ්‍රණයකි. ලෝක යුද්ධ සමයේ සිදු වූ මානව සංක්‍රමණ නිසා පසුකාලීනව ලතින් ඇමෙරිකානු සහ ඉන්දියානු ජාතිකයන් අතර ඇති වූ සබඳතා නිසා බිහි වූ දරුවන්ගේ සහ ළා කොළ පැහැයට හුරු පෙනුමක් ගෙන තිබේ. චොලෝ යනු මෙම වර්ණයයි. වර්තමානයේ චොලෝ පැහැය සහිත වැසියන් වැඩි වශයෙන් ජීවත් වන්නේ මෙක්සිකානු රටවලය.
කෙසේ වුවද ලෝක පිළිගැනීම අනුව ලොව සුන්දරම පැහැයක් ඇති සම පිහිටන්නේ ආසියාතිකයන් වන අපටය. ඉන් ද නේපාල සහ උතුරු ඉන්දියානුවන්ගේ සමේ පැහැය පිළිබඳව ජාන විශ්‍ලේෂණ පර්යේෂණ පවා අතීතයේ සිදු කර තිබේ. අතීත ජනප්‍රවාදවලට අනුව නේපාලයේ ශාක්‍ය වංශිකයන්ගේ සම රන්වන් පැහැයක් ගත් බව අප අසා තිබේ. මේ නිසාම වර්තමානය දක්වා නේපාල වැසියන්ගේ සමේ පැහැය මුළු ලෝකයේම සුන්දරම පැහැය ලෙස හැඳින්වූවාට වරදක් නැත.
No comments:
Post a Comment